Cattle Smuggling : চামগুৰিত জব্দ 32 টাকৈ চোৰাঙকৈ সৰবৰাহ কৰা গৰু

চামগুৰি, 18 অক্টোবৰ: চামগুৰিৰ বাজিয়াগাঁৱৰ পৰা চোৰাঙকৈ সৰবৰাহ কৰা গৰু চুৰি চক্ৰ উৎখাত । চামগুৰি আৰক্ষীয়ে গোপন সূত্ৰৰ পম খেদি নিশা বাজিয়াগাঁৱৰ ৱাহিদুল ইছলামৰ ঘৰত চলাইছিল অভিযান । তিনিখনকৈ বিলাসী বাহনত সুমুৱাই থকা অৱস্থাতে আৰক্ষীয়ে উদ্ধাৰ কৰিবলৈ সক্ষম হয় 32 টাকৈ চোৰাং গৰু ।

আৰক্ষীৰ অভিযানত অবৈধভাৱে সৰবৰাহ কৰা গৰু জব্দ কৰাৰ লগতে এই কাৰ্যত ব্যৱহৃত এখন টাইবাৰ, এখন বেলেন' আৰু আন এখন টি.ইউ.ভি.৩০০ বাহন আৰক্ষীয়ে জব্দ কৰে । চোৰাঙকৈ সৰবৰাহ কৰা গৰু চুৰি চক্ৰৰ সৈতে জড়িত থকাৰ সন্দেহত আৰক্ষীয়ে নিশাই আটক কৰে মুজিবুৰ ৰহমানক । বৰ্তমান আৰক্ষীয়ে ঘটনা সন্দৰ্ভত অব্যাহত ৰাখিছে সোধ-পোচ ।

উল্লেখ্য যে, গো-সুৰক্ষা আইন বলবৎ হোৱাৰ পিচতো ৰাজ্যত আৰক্ষী-প্ৰশাসনে ৰোধ কৰিব পৰা নাই গৰুৰ চোৰাং বেহা ৷

লগতে পঢ়ক: Kati bihu:উৎসৱো যেতিয়া হৈ পৰে কান্দোনৰ কাৰণ, গাঁওখনত নজ্বলে এগচিও চাকি