Tributes to Sardar Patel : চৰ্দাৰ বল্লভভাই পেটেলৰ জন্মবাৰ্ষিকী, হোজাইত একতাৰ দৌৰ

হোজাই, 31 অক্টোবৰ : আজি ৰাষ্ট্ৰীয় একতা দিৱস । দেশজুৰি পালন কৰা হৈছে চৰ্দাৰ বল্লভভাই পেটেলৰ জন্ম বাৰ্ষিকী । দেশৰ প্ৰতি লৌহমানৱৰ অৱদানক সকলোৱে স্মৰণ কৰে ৷ ৰাজ্যৰ বিভিন্ন প্ৰান্তৰ সমান্তৰালকৈ হোজাই আৰক্ষীয়ে একতা দৌৰৰ লগতে মাৰ্চ পাস্টৰ আয়োজন কৰে । এই অনুষ্ঠানত উপস্থিত থাকে হোজাইৰ অতিৰিক্ত আৰক্ষী অধীক্ষক ৰূপম বৰদলৈ ।

উক্ত একতাৰ দৌৰত হোজাই জিলাৰ আৰক্ষী সকলৰ লগত বিভিন্ন স্কুলৰ ছাত্ৰ-ছাত্ৰীয়ে অংশগ্ৰহণ কৰে । আনহাতে, হোজাই আৰক্ষী থানাত চৰ্দাৰ বল্লভ ভাই পেটেলৰ প্ৰতিচ্ছবিত বন্তি প্ৰজ্জলন কৰি অতিৰিক্ত আৰক্ষী অধীক্ষকে শপত বাক্যও পাঠ কৰায় ৷

উল্লেখ্য যে, চৰ্দাৰ বল্লভভাই পেটেলে দৃঢ় ইচ্ছা শক্তি, ৰাজনৈতিক জ্ঞান আৰু কঠোৰ পৰিশ্ৰমৰ জৰিয়তে কেইবাটাও ভাগত বিভক্ত ভাৰতক এক ঐক্যবদ্ধ ৰাষ্ট্ৰ হিচাপে গঢ়ি তোলাত জোৰ দিছিল । দেশৰ প্ৰথম গৃহমন্ত্ৰী হিচাপে চৰ্দাৰ বল্লভভাই পেটেলৰ সমৰ্পিত জীৱন আৰু ৰাষ্ট্ৰ নিৰ্মাণৰ কৰ্মই দেশবাসীক সদায় অনুপ্ৰাণিত কৰে ৷

লগতে পঢ়ক : Dignitaries Tributes to Sardar Patel : চৰ্দাৰ বল্লভভাই পেটেলৰ প্ৰতি শ্ৰদ্ধাঞ্জলি