Jamugurihat News : বহিঃৰাজ্যত ৰহস্যজনকভাৱে মৃত্যুক আঁকোৱালি ল’লে জামুগুৰিহাটৰ ইন্দ্ৰই

চতিয়া, 26 আগষ্ট : বহিঃৰাজ্যত পুনৰ হত্যা অসমীয়া যুৱকক । এইবাৰ সুদূৰ গোৱাত হত্যাৰ বলি হ’ল জামুগুৰিহাটৰ যুৱক । কৰ্মসংস্থাপনৰ তাগিদাত গোৱাত কৰ্মৰত হৈ থকা জামুগুৰিহাটৰ কৰতিপাৰ গাঁওৰ ইন্দ্ৰ নাথ নামৰ যুৱকজনক কোনো লোকে হত্যা কৰি পেলাই থৈ যায় বুলি স্থানীয় লোকে সন্দেহ প্ৰকাশ কৰিছে ৷

ৰহস্যজনকভাৱে মুখমণ্ডলত আঘাতৰ চিন স্পষ্ট হৈ থকা যুৱকজনৰ মৃতদেহ কৰ্মস্থলীৰ সমীপৰ জংঘলত উদ্ধাৰ কৰা হৈছে । দুদিনৰ পিছত বন্ধুবৰ্গই ইন্দ্ৰ নাথৰ মৃতদেহটো উদ্ধাৰ কৰি পৰিয়ালৰ লোকৰ সৈতে যোগাযোগ কৰে । ইতিমধ্যে গোৱাৰ পৰা লৈ অহা যুৱকজনৰ মৃতদেহ শুকুৰবাৰে জামুগুৰিহাটৰ নিজা ঘৰত উপস্থিত হোৱাত এক শোকাকুল পৰিবেশ বিৰাজ কৰা পৰিলক্ষিত হৈছে গাঁওখনত ।

বহিঃৰাজ্যত এইদৰে পুনৰ অসমীয়া যুৱকৰ মৃত্যুৰ বাতৰিয়ে চিন্তিত কৰি তুলিছে কৰ্মসূত্ৰে বহিঃৰাজ্য নিবাসী অসমীয়াক ।

লগতে পঢ়ক: Nirbhaya like Incident In Bihar: নিৰ্ভয়া কাণ্ডৰ পুনৰাবৃত্তি ! চলন্ত বাহনত কিশোৰীক যৌন নিৰ্যাতন