Moving dumper catches fire : খানাপাৰাত নিশা হঠাৎ জ্বলি উঠিল এখন বাহন

গুৱাহাটী, ১৩ অক্টোবৰ : নিশা ৩৭ নং ৰাষ্ট্ৰীয় ঘাইপথত দাওদাওকৈ জ্বলি উঠিল এখন বালি কঢ়িওৱা ডাম্পাৰ । খানাপাৰাৰ পৰা বশিষ্ঠ চাৰিআলি অভিমুখে গৈ আছিল ডাম্পাৰখন ৷ গৈ থকা অৱস্থাতে পথত হঠাৎ জ্বলি উঠে বাহনখন ।

জানিব পৰা মতে, বাহনখন মেঘালয়ৰ পৰা আহিছিল ৷ খানাপাৰাৰ পৰা বশিষ্ঠ অভিমুখে গৈ থাকোতেই জ্বলি উঠে ডাম্পাৰখন । এই ঘটনাত কোনো লোকৰ ক্ষয়-ক্ষতি হোৱা নাই যদিও সম্পূৰ্ণৰূপে জুইত জাহ যায় বাহনখন । প্ৰাপ্ত খবৰ অনুসৰি, নিশা ১২ বজাত ঘটনাটো সংঘটিত হৈছিল যদিও প্ৰায় এঘন্টা পিচতহে অগ্নি নিৰ্বাপক বাহিনীৰ লোক উক্ত স্থানত উপস্থিত হয় ।

বাহনখন কি কাৰণত জ্বলি উঠে জানিব পৰা হোৱা নাই যদিও যান্ত্ৰিক বিজুতিৰ ফলতে জ্বলি উঠাৰ ধৰণা কৰা হৈছে । উল্লেখযোগ্য যে, কিছুদিন পূৰ্বেও খানাপাৰাত এখন ইন্ধনভৰ্তী ট্ৰেংকাৰ যান্ত্ৰিক বিজুতিৰ ফলত জ্বলি উঠিছিল । সৌভাগ্যক্ৰমে ৰক্ষা পৰিছিল সমগ্ৰ অঞ্চলটো ।

লগতে পঢ়ক : Fire breaks out: তিনিচুকীয়াত মাজনিশা বিধ্বংসী অগ্নিকাণ্ড