মৰাণত চাইকেল চুৰিৰ সন্দেহত খুঁটাত বান্ধি প্ৰহাৰ কৰিলে যুৱকক

এইবাৰ মৰাণত সংঘটিত হ’ল মৰেল পুলিচৰ ঘটনা (Moral police at Moran)। মৰাণ আৰক্ষী থানাৰ(Moran police station) অন্তৰ্গত মৰাণ গেছ এজেঞ্চিৰ সমীপত সংঘটিত হ'ল এই ঘটনা । চাইকেল চুৰিৰ সন্দেহত এজন যুৱকক ৰাইজে খুঁটাত বান্ধি মাৰপিট কৰে । ঘটনাৰ খবৰ পাই আৰক্ষী উপস্থিত হৈ ব্যক্তিজনক উদ্ধাৰ কৰে যদিও ব্যক্তিজন ইতিমধ্যে যথেষ্ট পৰিমাণে আঘাতপ্ৰাপ্ত হৈছে । ব্যক্তিজন আমগুৰি ৰেল লাইনৰ পাপু মণ্ডলৰ পুত্ৰ সুধীৰ মণ্ডল বুলি জানিব পৰা গৈছে । ব্যক্তিজনে চুৰি কৰাৰ কোনো ধৰণৰ সত্য-সত্যতা নথকাকৈ এইদৰে ৰাজহুৱাকৈ মাৰধৰ কৰা ঘটনাই মৰাণত সৃষ্টি কৰিছে তীব্ৰ চাঞ্চল্যৰ ।