কিয় হঠাৎ নিশা আতংকময় পৰিৱেশৰ সৃষ্টি হ’ল বেলতলা বজাৰত !

গুৱাহাটী, ৩ ডিচেম্বৰ: মহানগৰীৰ বেলতলা বজাৰৰ আকাশত বিমান যুদ্ধ‌ । শনিবাৰে নিশা ৮ বজাত আকাশ মাৰ্গেৰে কৰা আক্ৰমণৰ ফলত বিস্তৰ ক্ষতিসাধন হয় বেলতলা বজাৰত । হঠাৎ আতংকময় পৰিৱেশৰ সৃষ্টি হয় বেলতলা বজাৰত । আহত হয় কেইবাগৰাকীও ব্যক্তি । ৩০ মিনিট ধৰি ব্যাহত হয় বিজুলী যোগান । তাৎক্ষণিকভাৱে ঘটনাস্থলীত উপস্থিত অসামৰিক প্ৰতিৰক্ষা বাহিনী ।  

প্ৰতিৰক্ষা বাহিনীৰ জোৱানসকলৰ তৎপৰতাত আহত ব্যক্তি সকলক উদ্ধাৰ কৰি প্ৰেৰণ কৰা হয় চিকিৎসালয়লৈ । আচলতে এয়া কোনো সঁচা ঘটনা নহয় । এয়া অসামৰিক প্ৰতিৰক্ষা বাহিনী আৰু এয়াৰ ডিফেঞ্চৰ মকড্ৰিল । শত্ৰুপক্ষই বিমান আক্ৰমণ কৰাৰ সময়ত ল'বলগীয়া সাৱধানতাৰ বিষয়ে জনসাধাৰণক সজাগ কৰিবলৈ মহানগৰীৰ বেলতলা বজাৰৰ মাজত এই অনুশীলন প্ৰদৰ্শন কৰে বিভাগটোৱে । এই অনুশীলনত উপস্থিত থাকে আই জি পি অৰবিন্দ কলিতা প্ৰমুখ্যে অসম আৰক্ষী আৰু অসামৰিক প্ৰতিৰক্ষা বাহিনীৰ কেইবাগৰাকী উচ্চ পদস্থ বিষয়া ।

লগতে পঢ়ক:পথ সজাগতাৰ বাৰ্তা লৈ নিশা মাজুলীত উপস্থিত মন্ত্ৰী পৰিমল শুক্লবৈদ্য