MLA Terash Gowalla:ৰাজনীতি এৰি কৃষি পথাৰত ব্যস্ত দুলীয়াজানৰ বিধায়ক

ডিব্ৰুগড়,30 জন: ৰাজনীতি একাষৰীয়া কৰি কৃষি পথাৰত ব্যস্ত দেখা গ’ল দুলীয়াজানৰ বিধায়ক তেৰছ গোৱালাক ৷ কৰ্ম বিমুখ বহুতকে আদৰ্শ দেখুৱাইছে বিধায়ক গৰাকীয়ে । যুৱ প্ৰজন্মই চাকৰিমুখী হোৱাৰ সমান্তৰালভাৱে আন বিভিন্ন কাৰণত কৃষি কাৰ্যৰ প্ৰতি অনীহা হোৱা সময়ত ব্যতিক্ৰমী ৰূপত দেখিবলৈ পোৱা গৈছে দুলীয়াজানৰ বিধায়ক তেৰছ গোৱালাক । 

শুকুৰবাৰে নিজৰ কৃষিভূমিত পৰিয়ালৰ সৈতে ভূঁই ৰুলে বিধায়কগৰাকীয়ে । দুলীয়াজানৰ বৰহোলা জুতুলীবাৰীত ভূঁই ৰোৱা কামত ব্যস্ত হোৱা দেখা গ’ল বিধায়কগৰাকীক ৷ বিধায়ক গোৱালাই নিজেই গৰুৰে হাল বাই কঠীয়া তুলি যি কৃষি কৰ্ম কৰাৰ নিদৰ্শন দেখুৱাইছে সেয়া বহু কৃষকক উৎসাহিত কৰিব ৷ সততে বিধানসভালৈ বিলাসী বাহন এৰি চাইকেল চলাই যোৱাৰ বাতৰিৰ শিৰোনাম দখল কৰা বিধায়কগৰাকীয়ে বিধায়ক হোৱাৰ পূৰ্বৰ পৰাই কৃষি কৰ্ম কৰি আহিছে বুলি মন্তব্য কৰে ৷ 

লগতে পঢ়ক:Manipur Violence: সংকট বেলাত যুঁজি যোৱাৰ অংগীকাৰ; পদত্যাগ নকৰে বীৰেণ সিঙে