Miscreants Attack Businessman: বৰমাৰ ব্যৱসায়ীক চোকা অস্ত্ৰৰে আক্ৰমণ

বৃহস্পতিবাৰে নিশাৰ ভাগত বৰমা থানাৰ অন্তৰ্গত ৰঙাফালি চ'কত সংঘটিত হয় এক লোমহৰ্ষক ঘটনা । বৰমাৰ স্থানীয় ব্যৱসায়ী গোপাল পণ্ডিতে বাইকেৰে নিজ ঘৰলৈ গৈ থকা অৱস্থাত ৰঙাফালি চ'কত কেইজনমান অচিনাক্ত দুৰ্বৃত্তই বাট আগচি ধৰি চোকা অস্ত্ৰৰে শৰীৰৰ বিভিন্ন স্থানত আক্ৰমণ কৰে(Miscreants Attack Businessman in Baksa) । এই আক্ৰমণত গুৰুতৰভাৱে আহত গোপাল পণ্ডিতক স্থানীয় ৰাইজৰ তৎপৰতাত ততাতৈয়াকৈ বৰমা প্ৰাথমিক চিকিৎসালয়ত ভৰ্তি কৰোৱা হয় । দুৰ্বৃত্তৰ আক্ৰমণত মূৰৰ উপৰি শৰীৰৰ বিভিন্ন ঠাইত আঘাতপ্ৰাপ্ত হয় ব্যৱসায়ীজন । এই ঘটনা সমগ্ৰ অঞ্চলতে সৃষ্টি কৰিছে তীব্ৰ চাঞ্চল্যৰ । ঘটনা সন্দৰ্ভত বৰমা আৰক্ষীয়ে আৰম্ভ কৰিছে তদন্ত ।