ডিগবৈত নিশা দুৰ্বৃত্তৰ বাহনলৈ লক্ষ্য় কৰি আৰক্ষীৰ গুলীবৰ্ষণ

তিনিচুকীয়া, ১৫ ডিচেম্বৰ: তিনিচুকীয়া জিলাৰ বৰডুমচাৰ পৰা ডিগবৈ অভিমুখে আহি থকা এখন গৰভৰ্তি বাহনক ৰখাই নিশা এখন বাহনত অহা চাৰিজন দুৰ্বৃত্তই চোকা অস্ত্ৰৰে আক্ৰমণ কৰাৰ ঘটনা সংঘটিত হৈছে । দুৰ্বৃত্তই লগতে চালক আৰু হেণ্ডিমেনকো মাৰধৰ কৰে । ডিগবৈৰ পানবাৰীৰ ৰিজাৰ্ভৰ সমীপত প্ৰথমে ডিগবৈৰ গাঁওৰক্ষী বাহিনীয়ে তালাচী চলাইছিল গৰুভৰ্তি বলেৰ' পিকআপ বাহনখনত। তাৰ পাছতেই হঠাৎ সন্মুখৰ ফালৰ পৰা অহা AS23 R9270 বাহনখনৰ পৰা চাৰিজন যুৱক নামি গৈ আক্ৰমণ কৰে গৰু কঢ়িয়াই অনা বাহনখনৰ ওপৰত ।

পৰৱৰ্তী সময়ত ডিগবৈ আৰক্ষীৰ বাহনলৈও লক্ষ্য কৰি কেটেপাৰে শিলগুটি আৰু মাৰ্বল নিক্ষেপ কৰে দুৰ্বৃত্তৰ বাহনখনৰ পৰা । লগতে দুৰ্বৃত্তৰ বাহনখনে আৰক্ষীৰ বাহনত খুন্দা মাৰি পলাই যাওঁতেই ডিগবৈ আৰক্ষী থানাৰ আৰক্ষী বিষয়াই খেদি খেদি দুৰ্বৃত্তৰ বাহনলৈ লক্ষ্য় কৰি দুই জাঁই গুলীবৰ্ষণ কৰে । লগে লগে বাহনখনত থকা তিনিজন লোক পলাই যাবলৈ সক্ষম হয় যদিও আৰক্ষীয়ে ৰফিকুল আলী নামৰ এজন দুৰ্বৃত্তক গ্ৰেপ্তাৰ কৰি ডিগবৈ আৰক্ষীয়ে সোধা পোছা অব্যাহত ৰাখিছ । দুৰ্বৃত্তৰ উক্ত বাহনখন আৰক্ষীয়ে জব্দ কৰাৰ লগতে ডিব্ৰুগড়ৰ বাহনখনত থকা লোককেইজন চোৰাং গৰুৰ ব্যৱসায়ৰ লগত জড়িত থকা বুলি সন্দেহ প্ৰকাশ কৰিছে আৰক্ষীয়ে ।

লগতে পঢ়ক:ডাঠ কুঁৱলীৰ বাবে অফলামুখ-নিমাতীৰ মাজত ফেৰী চলাচলত বাধা