মালবাহী ৰে’লৰ খুন্দাত কিশোৰৰ মৃত্যু

মৰাণ, 21 নৱেম্বৰ : চৰাইদেউ জিলাৰ মৰাণত সোমবাৰে নিশা মালবাহী ৰে'লৰ খুন্দাত এজন কিশোৰে কৰুণ মৃত্যুক সাৱটি লয় ৷ মঙলবাৰে পুৱাই মৰাণৰ কলেজ ৰ'ডৰ কাষত থকা ৰে’ল আলিৰ কাষত উদ্ধাৰ হয় কিশোৰজনৰ মৃতদেহ । ৰঙা ৰঙৰ চাৰ্ট পৰিধান কৰি থকা প্ৰায় 14 বছৰীয়া কিশোৰজনৰ পৰিচয় এই মুহূৰ্তলৈ জানিব পৰা হোৱা নাই । 

এই ঘটনাৰ খবৰ লাভ কৰি, মাহমৰা ৰাজহ চক্ৰ বিষয়া, ৰে’ল কৰ্মী আৰু আৰক্ষী ঘটনাস্থলীত উপস্থিত হৈ কিশোৰজনৰ মৃতদেহটো উদ্ধাৰ কৰিছে । ৰে'ল আৰক্ষীয়ে জানিবলৈ দিয়া অনুসৰি, নিশা ১২ বজাত যোৱা মালবাহী ৰে'লৰ খুন্দাত মৃত্যু হৈছে কিশোৰজনৰ । ৰে'ল বিভাগে দুজন কিশোৰ দুঘৰ্টনাত পতিত হৈছিল বুলি জনাইছিল যদিও আনজন কিশোৰৰ কোনো সন্ধান এই পৰ্যন্ত লাভ কৰিব পৰা হোৱা নাই ।

লগতে পঢ়ক: তেজপুৰৰ পাঞ্জাৱ নেচনেল বেংকত ভয়ংকৰ অগ্নিকাণ্ড