Amrit Kalash Yatra : দ্বিতীয় আৰু তৃতীয় পৰ্যায়ৰ কংগ্ৰেছী নেতাই বিজেপিত যোগদান কৰিব; পীযুষ হাজৰীকা

নগাঁও, 9 অক্টোবৰ : "কংগ্ৰেছৰ অধিকাংশ নেতাই বিজেপিত যোগদান কৰিব বিচাৰে।" নগাঁৱত অমৃত কলহ যাত্ৰাত অংশগ্ৰহণ কৰি এই মন্তব্য মন্ত্ৰী পীযুষ হাজৰীকাৰ ৷ মন্ত্ৰী পীযুষ হাজৰীকাৰ সৈতে কলহ যাত্ৰাত অংশগ্ৰহণ কংগ্ৰেছৰ পৰা নিলম্বিত বিধায়ক শশীকান্ত দাস ৷

সোমবাৰে নগাঁৱত অমৃত কলহ যাত্ৰাত অংশগ্ৰহণ কৰি মন্ত্ৰী পীযুষ হাজৰীকাই কয় যে, কংগ্ৰেছৰ অধিকাংশ নেতাই বিজেপিত যোগদান কৰিব বিচাৰে ৷ কিন্তু আমাৰ সমষ্টি খালী নাই ৷ নগাঁও, জাগীৰোড, কলিয়াবৰ, বঢ়মপুৰ আদি ক'তো আমি টিকট দিব নোৱাৰো ৷ সেয়েহে আমি তেওঁলোকক যোগদান কৰোৱা নাই ৷ কিন্তু দ্বিতীয় আৰু তৃতীয় পৰ্যায়ৰ বহু কংগ্ৰেছ নেতাই সোনকালেই বিজেপিত যোগদান কৰিব ৷  

সোমবাৰে নগাঁৱত অমৃত কলহ যাত্ৰাত অংশগ্ৰহণ কৰি এই মন্তব্য কৰে মন্ত্ৰী পীযুষ হাজৰীকাই ৷ ভূপেন বৰালৈ লিখা পত্ৰ সন্দৰ্ভতো মন্তব্য পীযুষ হাজৰীকাৰ ৷ মন্ত্ৰীজনে কয় যে, কংগ্ৰেছৰ মাজত অমৃত কলহক লৈ ইমান খাম-খেয়ালি ৷ সেয়েহে ভূপেন বৰাৰ পৰাই মই জানিব বিচাৰো তেওঁলোকে অনাগত সময়ত চৰকাৰী কাৰ্যসূচীত অংশগ্ৰহণ কৰিব নে নাই ৷ সেয়া ভূপেন বৰাই স্পষ্ট কৰক ৷  

উল্লেখ্য যে, নগাঁৱত অনুষ্ঠিত অমৃত কলহ যাত্ৰাত মন্ত্ৰী পীযুষ হাজৰীকাৰ সৈতে নগাঁৱৰ বিজেপি বিধায়ক ৰূপক শৰ্মাৰ লগতে কংগ্ৰেছৰ পৰা নিলম্বিত ৰহাৰ বিধায়ক শশীকান্ত দাসেও অংশগ্ৰহণ কৰে ৷ 

লগতে পঢ়ক : Pijush Hazarika on Bhupen Bora : APCC সভাপতি ভূপেন বৰালৈ পত্ৰ প্ৰেৰণ মন্ত্ৰী পীযুষ হাজৰীকাৰ