ডিমা হাচাও নিৰ্বাচনত বিজেপিয়ে আটাইকেইখন আসনতেই জয়লাভ কৰিব: জয়ন্তমল্ল

মাজুলী, ১৩ ডিচেম্বৰ: উত্তৰ কাছাৰ পাৰ্বত্য স্বায়ত্তশাসিত পৰিষদৰ নিৰ্বাচনৰ বাবে অধিসূচনা জাৰি কৰিছে ৰাজ্যৰ নিৰ্বাচন আয়োগে । নিৰ্বাচন আয়োগে উত্তৰ কাছাৰ পাৰ্বত্য স্বায়ত্তশাসিত পৰিষদৰ নিৰ্বাচনৰ অধিসূচনা জাৰি কৰাৰ লগে লগে জিলাখনত তাৎক্ষণিকভাৱে বলৱৎ হ'ল নিৰ্বাচনী আচৰণ বিধি । ইয়াৰ পিছতেই উত্তৰ কাছাৰ পাৰ্বত্য স্বায়ত্তশাসিত পৰিষদৰ নিৰ্বাচন সন্দৰ্ভত কালি প্ৰতিক্ৰিয়া প্ৰকাশ কৰে কেবিনেট মন্ত্ৰী জয়ন্তমল্ল বৰুৱাই । কালি মাজুলীত মন্ত্ৰী জয়ন্তমল্ল বৰুৱাই জলজীৱন আঁচনিৰ খতিয়ান ল'বলৈ উপস্থিত হৈ উত্তৰ কাছাৰ পাৰ্বত্য স্বায়ত্তশাসিত পৰিষদৰ নিৰ্বাচন সন্দৰ্ভত মন্তব্য় কৰে ।  

মন্ত্ৰী জয়ন্তমল্ল বৰুৱাই কয়,"আমি আগৰ পৰাই প্ৰস্তুত হৈ আছো ।" মন্ত্ৰীগৰাকীয়ে কয় যে ভাল লগিছে কিয়নো নিৰ্দিষ্ট সময়ত নিৰ্বাচন অনুষ্ঠিত হ'ব । মন্ত্ৰীগৰাকীয়ে এই নিৰ্বাচনত বিজেপিয়ে জয়লাভ কৰিব বুলি দাবী কৰি কয়," ডিমা হাচাও স্বায়ত্তশাসিত পৰিষদৰ নিৰ্বাচনত ১০০ শতাংশ আসন লাভ কৰিব বিজেপিয়ে ।"

লগতে পঢ়ক:তেজপুৰ বিশ্ববিদ্যালয়ত ’ৰিফলেকচনছ অৱ ডেঞ্চ এলং দি ব্ৰহ্মপুত্ৰ’ শীৰ্ষক গ্ৰন্থ উন্মোচন