Minister Ashok Singhal in Darrang: কংগ্ৰেছে নিৰ্মাণ কৰা বান্ধৰ পৰা কৃষকে নাপালে পানী: অশোক সিংহল

দৰং, ১৪ নবেম্বৰ: ' ২০০৮ৰ পৰা দৰঙত নিৰ্মাণ কৰা জলসিঞ্চন প্ৰকল্প সমূহ আজিও অচল । 'খোদ অন্নদাতাই পথাৰত পানী নোপোৱাত ক্ষোভ প্ৰকাশ কৰিছে জলসিঞ্চন, গৃহ আৰু নগৰ পৰিক্ৰমা বিভাগৰ মন্ত্ৰী অশোক সিংহলে । আজি দৰঙত এইদৰে মন্তব্য় কৰি মন্ত্ৰী অশোক সিংহলে কয় যে  কংগ্ৰেছ চৰকাৰৰ দিনত দৰঙত নিৰ্মাণ কৰা বান্ধ সমূহৰ পৰা আজিও কৃষক ৰাইজে পোৱা নাই পানী । যাৰ বাবে বগা হাতীত পৰিণত হৈছে বান্ধ সমূহ । তেওঁ পুনৰ কয় যে কংগ্ৰেছৰ পাপ ধুই আছে বিজেপিয়ে ।

মন্ত্ৰী অশোক সিংহলে অহা ১৬ নৱেম্বৰত পুনৰ আহি এই কাৰ্য পৰ্যবেক্ষন কৰিব বুলি প্ৰকাশ কৰে । আনহাতে, বিপিএফৰ পৰা বিজেপিত যোগদান কৰি পুনৰ বিপিএফলৈ যোৱা ৰাজকুমাৰ ব্ৰহ্ম সন্দৰ্ভত মন্তব্য কৰি তেওঁ কয় যে ধন আত্মসাত কৰি বিজেপিলৈ আহিছিল। ইয়াত ধন ঘটিব নোৱাৰি পুনৰ বিপিএফলৈ গতি কৰিছে ।

লগতে পঢ়ক:Diwali 2023: গুৱাহাটীত সুৰা বিক্ৰীত পুনৰ অভিলেখ; দীপাৱলীৰ দুটা দিনত প্ৰায় ৭ কোটিৰ সুৰা বিক্ৰী