Massive fire:দেৰগাঁৱৰ নেঘেৰিটিং চাৰিআলিত ভংয়কৰ অগ্নিকাণ্ডৰ ঘটনা

গোলাঘাট, 11 নৱেম্বৰ : দেৰগাঁৱৰ নেঘেৰিটিং চাৰিআলিত ভংয়কৰ অগ্নিকাণ্ডৰ ঘটনা । নিশা কোনো অজ্ঞাত দুষ্কৃতিকাৰীয়ে বহু বছৰৰ পৰা পথৰ দাঁতিত ৰখাই থোৱা এখন গৰাকীবিহীন তেল পৰিবাহী টেংকাৰত অগ্নিসংযোগ কৰাৰ সন্দেহ প্ৰকাশ কৰিছে ৰাইজে । অগ্নিসংযোগ কৰাৰ ফলত তেল পৰিবাহী ট্ৰেংকাৰখনৰ সন্মুখৰ ভাগ সম্পূৰ্ণৰূপে জুইৰ লেলিহান শিখাত জ্বলি ভস্মীভূত হয় ।

নিশা প্ৰায় ১২ মান বজাত সংঘটিত হয় এই ভয়াৱহ ঘটনা ৷ NL-08A 6592 নম্বৰৰ গৰাকী বিহীন গাড়ীখন বিগত বহু বছৰৰ পৰা পথৰ দাঁতিতে ৰখাই থোৱা আছিল । ঘটনাস্থলীত দেৰগাঁৱৰ আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ জুই নুমুৱাবলৈ সক্ষম হয় । নিশা এনেদৰে কোনো অজ্ঞাত দুষ্কৃতিকাৰীয়ে এখন টেংকাৰত জুই লগাই দিয়া ঘটনাই অঞ্চলটোত এক চাঞ্চল্যৰ সৃষ্টি কৰিছে ।

লগতে পঢ়ক : Fire Broke out in Dal Lake : শ্ৰীনগৰৰ ডাল হ্ৰদত ভয়ংকৰ অগ্নিকাণ্ড; ক্ষতিগ্ৰস্ত কেইবাখনো হাউছবোট