লখিমপুৰত ভয়াবহ অগ্নিকাণ্ডত ফাৰ্নিচাৰৰ গুদাম ভস্মীভূত

লখিমপুৰ, ২০ ডিচেম্বৰ: লখিমপুৰ নগৰৰ উপকন্ঠৰ ৰাংচালীত বুধবাৰে বিয়লি এক অগ্নিকাণ্ডৰ ঘটনা সংঘটিত হয় । খেলমাটি এলেকাৰ ৰাংচালীতস্থিত মুস্কান ফাৰ্নিচাৰৰ গুদামত এই বিধ্বংসী অগ্নিকাণ্ড সংঘটিত হয় । বিয়লি সংঘটিত এই ঘটনাৰ পিচত কেইবাখনো অগ্নিনিৰ্বাপক বাহিনীৰ গাড়ীয়ে ৰাইজৰ সহযোগত জুই নিৰ্বাপিত কৰিবলৈ সক্ষম হয় ।

উল্লেখ্য যে প্ৰতিষ্ঠানটোৰ স্বতাধিকাৰ নায়ুম হুছেইনৰ পৰিয়ালৰ কোনো লোক নথকা অৱস্থাত কেনেদৰে জুইৰ সুত্ৰপাত হয় সেয়া ৰহস্যৰ আৱৰ্তত। নায়ুম হুছেইন সপৰিয়ালে আজি ডিব্ৰুগড়লৈ যোৱাৰ সময়তে ঘটনাটো সংঘটিত হয় । তেওঁলোক নথকা অৱস্থাতে অগ্নিকাণ্ডৰ সূত্রপাত ঘটে । গুদামঘৰটো অগ্নিকাণ্ডত জাহ গ'লেও কাষতে থকা ব্যৱসায়ীজনৰ বাসগৃহটো কোনোমতে ৰক্ষা পৰে । ফাৰ্নিচাৰৰ গুদামত হোৱা এই অগ্নিকাণ্ডত কেইবালাখ টকাৰ ষ্টীলৰ ফাৰ্নিচাৰ নষ্ট হয় ।

লগতে পঢ়ক:হঠাৎ যোৰহাট চিকিৎসা মহাবিদ্যালয় হাস্পতালত ভৰ্তি পীযুষ হাজৰীকা