Free Caliper camp : মাৰোৱাৰী যুৱ মঞ্চৰ উদ্যোগত বিনামূলীয়া কৃত্ৰিম অংগ আৰু কেলিপাৰ শিবিৰৰ আয়োজন

গুৱাহাটী, ২৩ ছেপ্টেম্বৰ : মাৰোৱাৰী যুৱ মঞ্চ গুৱাহাটী গ্ৰেটাৰ আৰু গুৱাহাটী সমৃদ্ধিৰ উদ্যোগত বিনামূলীয়া কৃত্ৰিম অংগ আৰু কেলিপাৰ শিবিৰৰ আয়োজন কৰা হৈছে ৷ ৩০ ছেপ্টেম্বৰ আৰু ১, ২ অক্টোবৰত তিনিদিনীয়া কাৰ্যসূচীৰে আয়োজিত এই শিবিৰত দুশতকৈ অধিক কৃত্ৰিম ভৰি, হাত প্ৰদান কৰাৰ লক্ষ্য লৈছে ৷

মহানগৰৰ নাৰায়ণ নগৰ হাৰিয়ানা ভৱনত আয়োজন কৰা এই শিবিৰত যিসকল লোকক কৃত্ৰিম হাত, ভৰিৰ প্ৰয়োজন তেওঁলোকে ৭০০২৮১১৮৫৩ আৰু ৯৭০৬৩৫৯৫২০ যোগাযোগ কৰিব পাৰিব বুলি জানিবলৈ দিছে উদ্যোক্তা সকলে ৷ যুৱ মঞ্চৰ শিলিগুৰিত থকা চেন্টাৰত এই কৃত্ৰিম হাত-ভৰি প্ৰস্তুত কৰা হৈছে তাৰ পৰা চিকিৎসক আহি শিবিৰত সেৱা আগবঢ়াব ৷

চলিত বৰ্ষত যোৰহাট , মাজুলী , চিলাপথাৰ , নগাঁৱত মুঠ ৪ টা শিবিৰ ইতিমধ্যে সম্পন্ন হৈছে ৷ এই চাৰিটা শিবিৰত প্ৰায় তিনি শতাধিক লোকক কৃত্ৰিম হাত-ভৰি প্ৰদান কৰা হৈছে ৷ যিসকল লোক এই শিবিৰলৈ আহিবলৈ আগ্ৰহী, কিন্তু অৰ্থনৈতিক সামৰ্থ্য নাই সেইসকল লোকে যুৱ মঞ্চৰ সৈতে যোগাযোগ কৰিলে বিনামূলীয়ালৈ অহা-যোৱাৰ ব্যৱস্থা কৰি দিয়া হ’ব বুলিও জানিবলৈ দিয়ে বিষয়ববীয়াসকলে ৷ 

লগতে পঢ়ক : Indian Railway Special Trains : উৎসৱৰ বতৰত বিশেষ ৰেলৰ ব্যৱস্থা ভাৰতীয় ৰেলৱেৰ