Asian openbill stork killed: যোৰহাটত এজাক ধুমুহাই প্ৰাণ ল’লে বিৰল প্ৰজাতি কেইবা শ পক্ষীৰ

যোৰহাট, 8 ছেপ্টেম্বৰ : এজাক ধুমুহাই প্ৰাণ ল’লে কেইবা শ পক্ষীৰ ৷ যি ঘটনাই শোকাকুল কৰি তুলিছে প্ৰকৃতিপ্ৰেমীক ৷ তথ্য অনুসৰি, বৃহস্পতিবাৰে নিশা ভাগত আহিছিল এজাক প্ৰচণ্ড ধুমুহা ৷ এই ধুমুহাই  যোৰহাট নগৰ নাতিদূৰৈৰ ৰংদৈ ভগনীয়া গাঁৱত চলালে তাণ্ডৱলীলা ৷ প্ৰচণ্ড বেগত অহা ধুমুহাজাকত উভালি পৰিল ডাঙৰ ডাঙৰ গছ ৷ ফলত ভাঙিল বহু পক্ষীৰ বাহ ৷ আনকি মৃত্যু হ’ল অসংখ্য দুৰ্লভ প্ৰজাতিৰ শামুক ভঙা পক্ষীৰ ৷

আনহাতে, স্থানীয় প্ৰকৃতি প্ৰেমী যুৱক আৰু বন বিভাগৰ সহযোগত আঘাতপ্ৰাপ্ত কেবাটাও দুৰ্লভ প্ৰজাতিৰ পক্ষীক উক্ত স্থানতে প্ৰাথমিক চিকিৎসা কৰোৱা হয় । তাৰ পিচত সুস্থ হৈ পৰা কিছু পক্ষীক বন বিভাগৰ হাতত হস্তান্তৰ কৰা হয় । ইফালে মৃত সস্ৰাধিক পক্ষীক বৰ্তমান স্থানীয় ৰাইজ আৰু বন বিভাগ সহযোগত পুতি পেলোৱা হয় ।

লগতে পঢ়ক : Theft at Moinbari Satra: মইনবড়ী সত্ৰত চুৰিকাণ্ড; ৰাধা-কৃষ্ণৰ মূৰ্তি লুট, ছিন্ন বিছিন্ন হনুমানৰ মূৰ্তি