Thief arrested in Guwahati: ড্ৰাগছ সেৱন কৰিবলৈ গুৱাহাটীত চুৰিকাৰ্যত লিপ্ত মণিপুৰৰ যুৱক

গুৱাহাটী,২৩ আগষ্ট: ৰাজ্যৰ বিভিন্ন প্ৰান্তৰ সমান্তৰালভাৱে মহানগৰীতো বৃদ্ধি পাইছে চুৰি-ডকাইতিৰ দৰে ঘটনা । মহানগৰীৰ অলিয়ে-গলিয়ে এতিয়া চোৰৰ বিচৰণ । এইবাৰ চোৰৰ গতি বিধি আবদ্ধ হ'ল CCTV কেমেৰাত । মণিপুৰৰ পৰা অহা একাংশ যুৱক এতিয়া নামি পৰিছে চুৰি কাৰ্যত ।  

ড্ৰাগছ সেৱন কৰিবলৈ প্ৰয়োজন হোৱা ধনৰ বাবে এই পন্থা অৱলম্বন কৰা বুলি স্বীকাৰ কৰে মহানগৰীত আটক কৰা এজন মণিপুৰৰ যুৱকে । বশিষ্ঠৰ লটাকতাত সংঘটিত হৈছে এই ঘটনা । সোমবাৰৰ দিনটোত ভাৰতীয় হিচাপে থকা এগৰাকী যুৱকে চুৰি কৰিছিল এখন চাইকেল । চুৰি কাৰ্যৰ সমগ্ৰ ঘটনা বন্দী হ'ল CCTV ত ৷ CCTV ৰ ভিজুৱেল পৰীক্ষা কৰি স্থানীয় লোকে কৰায়ত্ব কৰে তিনিজনকৈ যুৱকক । যুৱকৰ দলটোৱে অনকেমেৰা স্বীকাৰ কৰে ড্ৰাগছ সেৱন কৰাৰ কথা । সম্প্ৰতি বশিষ্ঠ আৰক্ষীৰ জালত চোৰৰ দলটো ।

লগতে পঢ়ক: Chandrayaan 3 landing: চন্দ্ৰযান-৩ সফল অৱতৰণৰ কামনাৰে দোৱা