মৰঙিত অব্যাহত আছে বন্যহস্তীৰ উপদ্ৰৱ, তহিলং কৰিছে বিঘাই বিঘাই কুঁহিয়াৰ খেতি

গোলাঘাট, 11 জানুৱাৰী : গোলাঘাট জিলাৰ বিভিন্ন প্ৰান্তত অব্যাহত আছে বন্যহস্তীৰ উপদ্ৰৱ ৷ নিশা হ’লেই বনাঞ্চলৰ পৰা ওলাই অহা বন্যহস্তীৰ জাকে জনাঞ্চলত প্ৰবেশ কৰি সৃষ্টি কৰি আহিছে ত্ৰাসৰ ৷ দিনে নিশাই মৰঙিৰ ভিন্ন প্ৰান্তত হাতীৰ জাকে চলাইছে উপদ্ৰৱ ৷

মৰঙিৰ চেঁচামুখ অঞ্চলত বিগত প্ৰায় 15 দিনে, দিনে-নিশাই বনৰীয়া হাতীৰ উপদ্ৰৱ অব্যাহত আছে ৷ অতি কষ্টৰে মূৰৰ ঘাম মাটিত পেলাই কৰা কুঁহিয়াৰ খেতি খাই, গচকি নষ্ট কৰিছে বনৰীয়া হাতীৰ দলে ৷ 

ইফালে চেঁচামুখৰ এজন কৃষকে দহ বিঘা মাটিত কৰা কুঁহিয়াৰ খেতি খাই তহিলং কৰে জাকৰ পৰা ফাটি অহা তিনিটা হাতীয়ে ৷ তদুপৰি হাতীয়ে ভাঙি লণ্ড-ভণ্ড‌‌‌ কৰে পকী বাসগৃহ ৷ বনবিভাগৰ লোক সকল আহে যদিও এই অঞ্চলৰ পৰা হাতী কেইটা উলিয়াই পঠোৱাত ব্যৰ্থ হৈছে বনবিভাগ ৷ ৰাইজৰ আহ্বান- বনবিভাগে ফলপ্ৰসূ ব্যৱস্থা গ্ৰহণ কৰি হাতী-মানুহৰ সংঘাত নিৰ্মূল কৰক ৷ 

লগতে পঢ়ক : বিশ্বনাথ কেন্দ্ৰীয় বনাঞ্চলিকৰ শিবিৰত সফল সামৰণি পক্ষী গণনা