Fire at Kalgachia : বাসগৃহত অগ্নিকাণ্ডৰ খবৰ লাভ কৰি হৃদযন্ত্ৰৰ ক্ৰিয়া বন্ধ হৈ মৃত্যু দৰিদ্ৰ কৃষকৰ

বৰপেটাৰ কলগাছিয়াত হৃদয় বিদাৰক ঘটনা ৷ নিজ গৃহত সংঘটিত অগ্নিকাণ্ডৰ ঘটনাৰ খবৰ পায়েই হৃদযন্ত্ৰৰ ক্ৰিয়া বন্ধ হৈ মৃত্যুক সাৱটিলে এজন লোকে (Man died by heart attack at Kalgachia)৷ কলগাছিয়াৰ দাবনদিয়া গাঁৱত সংঘটিত হৈছে এই ঘটনা ৷ উল্লেখ্য, বুধবাৰে আমজাদ আলী নামৰ লোকজনৰ বাসগৃহত শ্বৰ্ট চাৰ্কিটৰ ফলত সংঘটিত হয় ভয়ংকৰ অগ্নিকাণ্ড ৷ বহু কষ্টৰে গঢ় দিয়া ঘৰখন জ্বলি যোৱাৰ খবৰ পাই দৰিদ্ৰ কৃষকজন উধাতু খাই কৃষিপথাৰৰ পৰা ঘৰলৈ দৌৰি যায় যদিও জ্বলন্ত ঘৰখনে বন্ধ কৰি দিলে লোকজনৰ হৃদযন্ত্ৰ ৷ ফলত ঘৰখনত উপস্থিত হোৱাৰ পূৰ্বেই ঢলি পৰি চিৰদিনৰ বাবে চকু মুদিলে লোকজনে ৷ অগ্নিকাণ্ডত আমজাদ আলীৰ আবাসগৃহ, ধান, মৰাপাট, প্ৰয়োজনীয় নথিপত্ৰসহ প্ৰায় পাঁচ লক্ষাধিক টকাৰ সা-সম্পত্তি ভষ্মীভূত হয় (Fire at Kalgachia)৷ অগ্নিকাণ্ড সংঘটিত হোৱাৰ লগতে পৰিয়ালৰ একমাত্ৰ উপাৰ্জনকাৰী মুৰব্বীগৰাকীৰ মৃত্যু হোৱাত ভূতৰ ওপৰত দানহ পৰাদি দুখে কুলাই পাচিয়ে নধৰা হৈছে পৰিয়ালটোৰ মাজত (Farmer died at kalgachia)৷