Lakshmi Puja celebration: জোনাইৰ বৰগঁড়াত লক্ষ্মী পূজাৰ সফল সামৰণি

জোনাই,৩১ অক্টোবৰ: তিনিদিনীয়া কাৰ্যসূচীৰে চিলাপথাৰৰ লামাবৰগঁড়াত আয়োজিত ২৩ সংখ্যক লক্ষ্মীপূজাৰ সোমবাৰে সফল সামৰণি পৰে । অন্তিম দিনটোৰ পুৱাৰে পৰা বিভিন্ন মাংগলিক কৰ্মাদি সম্পন্ন হোৱাৰ পিছতে সন্ধিয়াৰ পৰা আৰম্ভ হয় সাংস্কৃতিক অনুষ্ঠান । জিন্তি পাংগিং, মিন্তু দলে, মনোজ উপাধ্যায়, গোবিন হাজৰিকা ওৰফে জুনিয়ৰ জুবিন গাৰ্গ আদি জনপ্ৰিয় শিল্পীৰ গীতৰ জীপাল হৈ পৰে ওৰেটো নিশা ।  

এটাৰ পিছত এটাকৈ জনপ্ৰিয় গীতৰে মূহিলে হাজাৰ হাজাৰ ৰাইজক । এপল' ইলেভেন যুৱ সংঘৰ উদ্যোগত অনুষ্ঠিত লক্ষ্মী পূজা উপলক্ষে অসমীয়া,মিচিং,নেপালী আৰু মুকলি নৃত্য প্ৰতিযোগিতা অনুষ্ঠিত কৰা হয় ৷ উল্লেখযোগ্য যে ঐতিহাসিক  লক্ষ্মী পূজাত ডিব্ৰুগড়, তিনিচুকীয়া, ধেমাজি, চিলাপথাৰ, বঙাইগাঁও আদি বিভিন্ন প্ৰান্তৰ পৰা মিঠাই, খেলনা, মনিহাৰী, বিভিন্ন সু-স্বাদু খাদ্য, থলুৱা খাদ্য সম্ভাৰৰ শতাধিক হোটেল, বিপনীয়ে ভিৰ কৰা পৰলক্ষিত হয় ৷

লগতে পঢ়ক: National Unity Day : ধেমাজিত একতা দিৱসৰ উপলক্ষে ইউনিটি পেৰেড