Lachit Divas celebration: ধেমাজিৰ ঐতিহাসিক হাবুঙত লাচিত দিৱস উদযাপন

সমগ্ৰ ৰাজ্যৰ লগতে স্বৰ্গদেউ চ্যাওলুং চ্যুকাফাৰ দ্বিতীয় ৰাজধানী ধেমাজিৰ ঐতিহাসিক হাবুঙত আড়ম্বৰতাৰে উদযাপন কৰা হয় ৪০০ বছৰীয়া বীৰ লাচিত বৰফুকনৰ জন্ম জয়ন্তী(Lachit Barphukan 400 birth anniversary) ৷ হাবুং উন্নয়ন পৰিচালনা সমিতি আৰু ধেমাজি জিলা পয় ফুৰালুং সংঘৰ উদ্যোগত আয়োজিত এই লাচিত দিৱসৰ বৃহস্পতিবাৰে পতাকা উত্তোলন কৰে বিশিষ্ট সাহিত্যিক উমেশ চেতিয়াই (Lachit Divas celebration at historical place Habung)৷ চ্যাওলুং চ্যুকাফা আৰু লাচিত দিৱসৰ প্ৰতিকৃতিত মাল্যাৰ্পণ কৰাৰ পিছতে মুকলি সভা অনুষ্ঠিত কৰা হয় ৷ ধেমাজি জিলা পয় পুৰালুং সংঘৰ উপসভাপতি দিগন্ত গগৈয়ে উদ্বোধন কৰা আৰু হাবুং উন্নয়ন পৰিচালনা সমিতিৰ সম্পাদক বাবুল বুঢ়াগোহাঁয়ে আদৰণি ভাষণ আগবঢ়োৱা গাম্ভীৰ্যপূৰ্ণ সভাখনিত বিশিষ্ট তাই পণ্ডিত মানিক গগৈ , সাহিত্যিক , বুৰঞ্জীবিদ উমেশ চেতিয়াকে ধৰি কেইবাজনো বক্তাই বীৰ লাচিতৰ কৃতিত্ব আৰু বীৰত্বৰ মূল্যায়ন কৰে ৷ অনুষ্ঠানত টাই সমবেত সংগীতকে ধৰি ভিন্নসুৰীয়া গীত-মাতো পৰিৱেশন কৰা হয় ৷