Pride East Entertainment নহয় ফাঁচী বজাৰ; মুখ্যমন্ত্ৰীয়ে ঘৰ স্থানান্তৰ কৰক বজাৰ নহয় : আকাশ দলে

গুৱাহাটী,২৮ নৱেম্বৰ : ‘‘কেৱল অসমৰ নহয়, উত্তৰ পূৰ্বাঞ্চলৰ ব্যৱসায়িক স্থল হৈছে গুৱাহাটী ফাঁচী বজাৰৰ পাইকাৰী বজাৰখন ৷ ইমান পুৰণি এই বজাৰখন গুৱাহীটীৰ পৰা উত্তৰ গুৱাহাটীলৈ লৈ যোৱা বিষয়টো আমি কোনোপধ্যে মানি নলওঁ ৷ এয়া মুখ্যমন্ত্ৰী হিমন্ত বিশ্ব শৰ্মাৰ চক্ৰান্ত ৷’’ মঙলবাৰে সংবাদ মাধ্যমৰ আগত এই মন্তব্য কৰে কৃষক মুক্তি সংগ্ৰাম সমিতিৰ সাংগাঠনিক সম্পাদক আকাশ দলেই ৷

সকলোৰে জ্ঞাত যে, গুৱাহাটী ফাঁচী বজাৰৰ পাইকাৰী বজাৰখন উত্তৰ গুৱাহাটীলৈ স্থানান্তৰ কৰাৰ পৰিকল্পনা কৰিছে ৰাজ্য চৰকাৰে । চৰকাৰৰ এনে সিদ্ধান্তক লৈ এতিয়া সৰ্বত্ৰে সৃষ্টি হৈছে তীব্ৰ প্ৰতিক্ৰিয়াৰ ৷ ইয়াৰ মাজতে অসমৰ বাণিজ্যিক প্ৰাণকেন্দ্ৰ ফাঁচী বজাৰক স্থানান্তৰৰ সন্দৰ্ভত সোমবাৰে নিশ্চয়তা প্ৰদান কৰিছে মন্ত্ৰী অশোক সিংহলে ৷

লগতে পঢ়ক : ভৰলু-উত্তৰ গুৱাহাটী সংযোগী দলং সম্পূৰ্ণ হ’লেই ঠিকনা সলনি হ’ব ফাঁচী বজাৰৰ