কলিয়াবৰত বন্দুকধাৰী যুৱকৰ সন্ত্ৰাস, দুই যুৱকক গ্ৰেপ্তাৰ কৰি আদালতলৈ প্ৰেৰণ

কলিয়াবৰ, 10 ডিচেম্বৰ : কলিয়াবৰৰ কামাখ্যা সংৰক্ষিত বনাঞ্চলৰ হাতীমূৰাৰ কাষতে এটা বন্দুকধাৰী দলৰ বিচৰণক কৈ চাঞ্চল্য অব্যাহত আছে । শুকুৰবাৰে কলিয়াবৰ আৰক্ষীৰ জালত পৰে দুই বন্দুকধাৰী কৃষ্ণ লোহাৰ আৰু কৃষ্ণ গঞ্জু । কৃষ্ণ লোহাৰৰ পৰা এটা বন্দুক জব্দ কৰে আৰক্ষীয়ে ।

ধৃত দুয়োৰে ঘৰ সোণাৰী চাহ বাগিচাৰ ৬ নং বস্তিত । দলটোৰ বাকীকেইজন সদস্যৰ সন্ধানত অভিযান অব্যাহত ৰাখিছে কলিয়াবৰ আৰক্ষীয়ে । ঘটনা সন্দৰ্ভত কলিয়াবৰ আৰক্ষী থানাত ধৃত কৃষ্ণ লোহাৰ আৰু কৃষ্ণ গঞ্জুক আজি আদালত হাজিৰ কৰোৱায় ৷

উল্লেখ্য যে, কলিয়াবৰ আৰক্ষী থানাত ভাৰতীয় দণ্ডবিধিৰ 190 B/447/ 379/511 Arms act U/S 25(A) ধাৰাত 112/23 নম্বৰত গোচৰ ৰুজু কৰি তদন্ত অব্যাহত ৰাখিছে আৰক্ষীয়ে ।

লগতে পঢ়ক : কলিয়াবৰত বন্দুকধাৰীৰ সন্ত্ৰাস, পিষ্টলসহ দুজনক আটক