Jorhat murder case : ঘাতকৰ ৰূপত ভাতৃ; সামান্য কথাতেই ঘপিয়াই হত্যা কৰিলে ককায়েকক

যোৰহাট, 8 এপ্ৰিল : শনিবাৰে আটক হ’ল কাৰ্তিক কৰ্মকাৰ ৷ কাৰ্তিক কৰ্মকাৰ হৈছে শুকুৰবাৰে যোৰহাট জিলা অন্তৰ্গত মৰিয়নী সমষ্টি খেৰমিয়া চাহ বাগিচাত সংঘটিত হোৱা হত্যাকাণ্ডটোৰ মূল অভিযুক্ত ৷ বৰ্তমান মৰিয়নী আৰক্ষীৰ জিম্মাত আছে অভিযুক্ত কাৰ্তিক কৰ্মকাৰ (Jorhat Youth murder his elder brother)৷ এই ঘটনাক কেন্দ্ৰ কৰি অঞ্চলটোত সৃষ্টি হৈছে এক উত্তেজনাময় পৰিস্থিতি ৷

বিৱৰণি অনুসৰি, সামান্য কথাতে দুই ভাতৃ ক্ৰমে কাৰ্তিক কৰ্মকাৰ আৰু বোৱাই কৰ্মকাৰৰ মাজত বাকবিতণ্ডাৰ সৃষ্টি হয় ৷ এটা সময়ত এই বাক-বিতণ্ডাই লয় এক ভয়ংকৰ ৰূপ ৷ কণিষ্ঠ ভাতৃ কাৰ্তিক কৰ্মকাৰ দাৰ ঘাপত মৃত্যু হয় জ্যেষ্ঠ ভাতৃ বোৱাই কৰ্মকাৰৰ (Sensational murder in Jorhat)। তাৰ পাচতে খবৰ দিয়া হয় আৰক্ষীক ৷

উক্ত ঘটনাৰ খবৰ লাভ কৰিয়েই শনিবাৰে পুৱা ঘটনাস্থলীত মৰিয়নী আৰক্ষীৰ এটা দল উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷ লগতে হত্যাকাৰী কাৰ্তিক কৰ্মকাৰকো আটক কৰে আৰক্ষীৰ দলটোৱে ৷

লগতে পঢ়ক : Murder case in Cooch Behar : প্ৰেমৰ সম্পৰ্ক প্ৰত্যাখ্যান, প্ৰেমিকাৰ পৰিয়ালক নৃশংসভাৱে হত্যা যুৱকৰ