AASKSU conference in Jonai: সোণোৱাল কছাৰী ছাত্র সন্থাৰ অধিৱেশনৰ সামৰণি

জোনাই ডেকাপাম ৰাজহুৱা খেলপথাৰত আয়োজন কৰা সদৌ অসম সোণোৱাল কছাৰী ছাত্ৰ সন্থাৰ জোনাই মহকুমা সমিতিৰ পঞ্চম দ্বি-বাৰ্ষিক (AASKSU conference in Jonai) আৰু ডেকাপাম আঞ্চলিক সমিতিৰ তৃতীয় দ্বি-বাৰ্ষিক অধিৱেশনৰ আজি অন্তিম দিন ৷ দুদিনীয়া বৰ্ণাঢ্য কাৰ্যসূচীৰে আয়োজন কৰা অধিৱেশনত আজি দুপৰীয়া বাৰেবৰণীয়া জাতি-জনগোষ্ঠীৰ সাংস্কৃতিক শোভাযাত্ৰাত সংগঠনটোৰ বহু জ্যেষ্ঠ নেতা-কৰ্মীৰ লগতে প্ৰায় পাঁচ শতাধিক ৰাইজে অংশগ্ৰহণ কৰে ৷ অধিৱেশনৰ লগত সংগতি ৰাখি জনগোষ্ঠীয় কৃষ্টি প্ৰদৰ্শনকে ধৰি মুকলি সভাৰ লগতে সন্ধিয়া সাংস্কৃতিক অনুষ্ঠানৰো আয়োজন কৰা হয় ৷ এই অধিবেশনখনিত সোণোৱাল কছাৰী ৰাইজৰ লগতে অন্যান্য জাতি জনগোষ্ঠীয় লোকে অংশগ্ৰহণ কৰে (All Assam Sonowal Kachari Student Union) ।