Foundation Day Celebration: যোগানন্দ দেৱ সত্ৰাধিকাৰ গোস্বামী মহাবিদ্যালয়ৰ প্ৰতিষ্ঠা দিৱস উদযাপন

আজি বোকাখাতৰ অন্যতম উচ্চ শিক্ষাৰ প্ৰতিষ্ঠান যোগানন্দ দেৱ সত্ৰাধিকাৰ গোস্বামী মহাবিদ্যালয় প্ৰতিষ্ঠা দিৱস উদযাপন ( Jogananda Deva Satradhikari Goswami College Foundation Day celebration in Bokakhat ) ৷ ১৯৬৪ চনতে প্ৰতিষ্ঠা লাভ কৰা মহাবিদ্যালয়খনে অতিক্ৰম কৰিলে ৫৮ টা বৰ্ষ । প্ৰতিষ্ঠা দিৱসৰ লগত সংগতি ৰাখি মহাবিদ্যালয়ৰ শিক্ষক কৰ্মচাৰী আৰু ছাত্ৰ-ছাত্ৰীয়ে পুৱা দাতাৰ প্ৰতিমূৰ্তিত বন্তি প্ৰজ্বলন কৰাৰ পাছতে বোকাখাত নগৰৰ মাজেৰে এক বিশাল সাংস্কৃতিক শোভাযাত্ৰা বাহিৰ কৰে । দিনজোৰা কাৰ্যসূচীৰে আয়োজন কৰা প্ৰতিষ্ঠা দিৱসৰ লগত সংগতি ৰাখি শোভাযাত্ৰাৰ পাছতে মহাবিদ্যালয়ৰ প্ৰেক্ষাগৃহত আৰম্বৰপূৰ্ণ মুকলি সভা অনুষ্ঠিত কৰি সন্ধিয়া মহাবিদ্যালয়ৰ চৌহদত সমূহীয়া বন্তি প্ৰজ্বলনৰ ব্যৱস্থা গ্ৰহণ কৰিছে মহাবিদ্যালয় কৰ্তৃপক্ষই ।