Minister's Birthday at Madrasa: নলবাৰীৰ মাদ্ৰাছাত উদযাপন মন্ত্ৰীৰ জন্মদিন

যি সময়ত ৰাজ্যৰ মাদ্ৰাছাসমূহত অনৈতিক কাৰ্যকলাপ চলি থকাৰ অভিযোগত চৰকাৰে বুলড'জাৰ চলাই আহিছে, সেই সময়তেই অসম চৰকাৰৰ মন্ত্ৰী জয়ন্ত মল্ল বৰুৱাৰ জন্মদিন পালন কৰা দেখা গ’ল নলবাৰীৰ এখন মাদ্ৰাছাত (Jayanta Malla Baruah celebrated birthday at Nalbari Madrasa)। ভাৰতীয় জনতা পাৰ্টি নলবাৰী জিলা সংখ্যালঘু মৰ্চাৰ উদ্যোগত দেওবাৰে নলবাৰীৰ মালিকুছি দাৰুল উলুম মাদ্ৰাছাত নলবাৰী সমষ্টিৰ বিধায়ক তথা মন্ত্ৰী জয়ন্ত মল্ল বৰুৱাৰ ওপজা দিন উপলক্ষে কেক কাটি সমূহীয়া দোৱাৰ আয়োজন কৰা হয় । সমূহীয়া দোৱাত অংশগ্ৰহণ কৰে নলবাৰী সমষ্টিৰ বিধায়ক তথা মন্ত্ৰী জয়ন্ত মল্ল বৰুৱাৰ লগতে স্থানীয় সাংসদ দিলীপ শইকীয়াও । উল্লেখ্য যে, যিসময়ত ৰাজ্যত মাদ্ৰাছা ভঙাক কেন্দ্ৰ কৰি সৃষ্টি হৈ আছে এক হুলস্থূলীয়া পৰিৱেশৰ, তাৰ মাজতে মাদ্ৰাছাত অসম চৰকাৰৰ মন্ত্ৰীয়ে জন্মদিন পালন কৰাতো এক ৰাজনৈতিক চমক বুলি একাংশই সমালোচনাও কৰা পৰিলক্ষিত হৈছে ৷