Inter Police Station Football Tournament : গুনীয়ালগুৰিত কলগাছিয়া আৰক্ষী থানা জয়ী হয় 2-0 গ’লত

সোমবাৰে সামৰণি পৰিল বৰপেটা আন্তঃজিলা আৰক্ষী থানা ফুটবল প্ৰতিযোগিতা (Interdistrict Police Station Football Tournament concludes at Kalgachia) । বৰপেটা জিলাৰ কলগাছিয়া আৰক্ষী থানা আৰু বাঘবৰ আৰক্ষী থানাৰ উদ্যোগত কলগাছিয়াৰ গুনীয়ালগুৰি উচ্চতৰ মাধ্যমিক বিদ্যালয় খেলপথাৰত ফুটবল খেল আয়োজিত কৰা হয় । এই খেলখনত কলগাছিয়া আৰক্ষী দলে বাঘবৰ আৰক্ষী দলক দুটা গ’ল দিবলৈ সক্ষম হয় । নিৰ্ধাৰিত সময়লৈকে খেলখন 2-0 গ’লত সমাপ্ত হোৱাত কলগাছিয়া আৰক্ষী দলে মাৰে বিজয়ী হাঁহি ৷ আন্তঃজিলা আৰক্ষী থানাৰ ফুটবল খেল আয়োজিত কৰাৰ বাবে ক্ৰীড়াপ্ৰেমী ৰাইজে উদ্যোগতাসকলক ধন্যবাদো জ্ঞাপন কৰে । সোমবাৰে আয়োজিত এই খেলখনত মুখ্য অতিথি হিচাপে উপস্থিত থাকে বৰপেটা জিলা আৰক্ষী অধীক্ষক অমিতাভ সিনহা ।