ধুবুৰীত অবৈধ কাঠফলা মিল জব্দ

ধুবুৰীত অবৈধ কাঠফলা মিল জব্দ (Illegal timber mill seized in Dhubri) । জিলা উপায়ুক্তৰ নিৰ্দেশত বন বিভাগৰ দল এটাই ধুবুৰীৰ কাঠুলিপাৰা অঞ্চলৰ পৰা জব্দ কৰে তিনিটাকৈ অবৈধ কাঠফলা মিল । উল্লেখ্য, ধুবুৰীৰ বিভিন্ন চৰাঞ্চল তথা দুৰ্গম অঞ্চলত গঢ়ি উঠা অবৈধ কাঠফলা মিলৰ বিৰুদ্ধে অভিযান চলাইছে ধুবুৰী বন বিভাগে (Dhubri forest department drive against illegal timber mills) । ধুবুৰীৰ বন্দিহানা আৰক্ষী চকী এলেকাৰ অতি দুৰ্গম অঞ্চল কাঠুলিপাৰাত তিনিটাকৈ অবৈধ কাঠফলা মিলৰ বিৰুদ্ধে অভিযান চলায় । বন্দিহানা আৰক্ষীৰ সহযোগত ধুবুৰীৰ বন বিষয়া দীপক ডেকাৰ নেতৃত্বত বন বিভাগৰ দল এটাই চলোৱা অভিযানত কাঠুলিপাৰা অঞ্চলৰ তিনিটাকৈ অবৈধ কাঠফলা মিল জব্দ কৰিবলৈ সক্ষম হয় । অৱশ্যে অভিযানকাৰী দলটোৱে ইয়াৰ সৈতে জড়িত থকা কোনো লোকক কৰায়ত্ত কৰিবলৈ সক্ষম নহ'ল ।