Road Accident: কলিয়াবৰত আলট্ৰা বাহন আৰু মালবাহী বাহনৰ মাজত c সংঘৰ্ষ

কলিয়াবৰ, ১৭ ছেপ্টেম্বৰ : নগাঁও জিলাৰ কলিয়াবৰৰ জখলাবন্ধাৰ NRL তেল ডিপোৰ সন্মুখৰ ৩৭ নং ৰাষ্ট্ৰীয় পথৰ সমুখত দেওবাৰে দুপৰীয়া এক শোকাৱহ পথ দুৰ্ঘটনা সংঘটিত হয়। নগাঁও অভিমুখী এ এছ ২১ চি ৯৪০২৬ নম্বৰৰ আলট্ৰা বাছখনে এখন নম্বৰ প্লেটবিহীন বোজাই কঢ়িওৱা বাহনক খুন্দা মৰাৰ ফলত দুৰ্ঘটনাত পতিত হয় ৷ এই দুৰ্ঘটনাত বোজা কঢ়িয়াই অনা বাহনখনৰ চালকজন আহত হয় । 

এই দুৰ্ঘটনাৰ পিচতে স্থানীয় লোকৰ সহযোগত জখলাবন্ধা আৰক্ষীয়ে আহত চালকজনক কলিয়াবৰ মহকুমা অসামৰিক চিকিৎসালয়লৈ প্ৰেৰণ কৰে । আনহাতে, সৌভাগ‍্যক্ৰমে আলট্ৰা বাছখনৰ কোনো যাত্ৰীৰ হানি-বিঘিনি নোহোৱাকৈ ৰক্ষা পৰে ।

উল্লেখ্য যে শেহতীয়াকৈ কলিয়াবৰ দুৰ্ঘটনা প্ৰৱণ স্থানলৈ পৰিৱৰ্তন হৈছে ৷ বিভিন্ন সময়ত অঞ্চলটোত সংঘটিত হৈ আহিছে দুৰ্ঘটনা ৷ যান-বাহনৰ অনিয়ন্ত্ৰিণ গতিও দুৰ্ঘটনাৰ অন্যতম কাৰণ হিচাবে বিবেচিত হৈছে ৷  

লগতে পঢ়ক: Sensational murder in Nalbari:খুড়াকে হত্যা কৰি জংঘলত পুতি থলে যুৱকক