Cultural procession in Lakhimpur: লখিমপুৰ বাণিজ্য মহাবিদ্যালয়ত সোণালী জয়ন্তী উপলক্ষে সাংস্কৃতিক শোভাযাত্রা

লখিমপুৰ, ৪ নৱেম্বৰ : লখিমপুৰ বাণিজ্য মহাবিদ্যালয়ৰ সোণালী জয়ন্তী বৰ্ষৰ সামৰণি অনুষ্ঠানৰ আজি অন্তিম দিনাৰ অন্যতম কাৰ্যসূচী সাংস্কৃতিক শোভাযাত্রাই লখিমপুৰৰ আকাশ-বতাহ মুখৰিত কৰি তোলে । জিলাৰ আৰক্ষী অধীক্ষক আনন্দ মিশ্ৰই উদ্বোধন কৰা এই সাংস্কৃতিক শোভাযাত্রাই সোণালী জয়ন্তী উদযাপনথলীৰ পৰা সমগ্র নগৰখন পৰিভ্ৰমণ কৰে । সত্ৰীয়া সংস্কৃতিৰ পৰা বিভিন্ন জাতি-জনগোষ্ঠীৰ কৃষ্টি-সংস্কৃতিৰে জকমকাই উঠে এই শোভাযাত্রা ।

জাতি-জনগোষ্ঠীৰ নৃত্য, গীতৰ সমাহাৰ ঘটা শোভাযাত্রাটোত প্ৰকৃতি ৰক্ষা, বন্যপ্ৰাণী সংৰক্ষণ, সমাজ সচেতনমূলক বিভিন্ন বাৰ্তাৰ লগতে চন্দ্রযানলৈকে দেশক গৌৰৱাম্বিত কৰাৰ বিভিন্ন ছবি প্ৰতিফলিত হয় । উল্লেখ্য যে মহাবিদ্যালয়খনৰ সোণালী জয়ন্তী উপলক্ষে আয়োজন কৰা তিনিদিনীয়া কাৰ্যসূচীৰ আজি অন্তিম দিনা মূল অনুষ্ঠান মুকলি সভাত কেইবাগৰাকী বিশিষ্ট ব্যক্তিয়ে অংশগ্রহণ কৰিব বুলি জানিব পৰা হৈছে । 

লগতে পঢ়ক:Foundation Day of AMCH: AMCH ত ৰ'বটিক চিকিৎসাৰ ইংগিত দিলে বিধায়ক প্ৰশান্ত ফুকনে