বঙাইগাঁৱৰ মেৰেৰচৰ উঃ মাধ্যমিক বিদ্যালয়ৰ সোণালী জয়ন্তী বৰ্ষৰ সামৰণি অনুষ্ঠান আৰম্ভ

বঙাইগাঁও, 7 ডিচেম্বৰ : পাঁচ দিনীয়া কাৰ্যসূচীৰে বঙাইগাঁও জিলাৰ মেৰেৰচৰ উচ্চতৰ মাধ্যমিক বিদ্যালয়ৰ সোণালী জয়ন্তী বৰ্ষৰ স্বৰ্ণ সৌৰভ সামৰণি অনুষ্ঠান আৰম্ভ হৈছে । বুধবাৰৰ পৰা আৰম্ভ হোৱা অনুষ্ঠানত লোকে লোকাৰণ্য হৈ পৰিল । বুধবাৰে পুৱা সাত বজাত নৱ নিৰ্মিত মৰহুম আব্দুল ওৱাহেদ সোঁৱৰণি তোৰণ উন্মোচন কৰে ছাবিৰণ নেছা আৰু আদৰণি সমিতিৰ সভাপতি তথা স্থানীয় বিধায়ক প্ৰদীপ সৰকাৰে ।

আনহাতে, বৰ্ণাঢ্য সাংস্কৃতিক শোভাযাত্ৰা উদ্বোধন কৰে স্থানীয় বিধায়ক প্ৰদীপ সৰকাৰে । বিয়লি ভাগত ৰাজীৱ গান্ধী মেম'ৰিয়েল কলেজৰ অধ্যক্ষ ড০ জহুৰুল ইছলামৰ সঞ্চালনাত অনুষ্ঠিত হয় "শিক্ষা আৰু সচেতনতাই বাল্য বিবাহ ৰোধৰ এক মাত্ৰ উপায়" শীৰ্ষক এক আলোচনা চক্ৰ । উক্ত অনুষ্ঠানত আলোচক হিচাপে উপস্থিত থাকে ড০ আব্দুল ওৱাহাব, আব্দুল মান্নান খান আৰু অধিবক্তা নাছিৰ উদ্দিন আহমেদ ।

লগতে পঢ়ক : 6 ডিচেম্বৰৰ পৰা পাঁচদিনীয়া কাৰ্যসূচীৰে মেৰেৰচৰ উচ্চতৰ মাধ্যমিক বিদ্যালয়ৰ সোণালী জয়ন্তী