Goalpara man committed suicide: নগ্ন অৱস্থাত থকা ভিডিঅ’ৰে ব্লেকমেইলিং; গোৱালপাৰাত এজনৰ আত্নহনন

গোৱালপাৰা, 23 ফেব্ৰুৱাৰী: গোৱালপাৰাত এগৰাকী ব্যক্তিৰ ৰহস্যজনক আত্মহত্যা ৷ আত্মহত্যাৰ পূৰ্বে মুখ্যমন্ত্ৰী হিমন্ত বিশ্ব শৰ্মালৈ দিলে ভিডিঅ’ বাৰ্তা ৷ 1 মিনিটত 30 ছেকেণ্ডৰ ভিডিঅ’ত উল্লেখ কৰিছে আত্মহত্যা কৰাৰ কাৰণ ৷ ব্লেকমেইলিঙৰ বাবেই আত্মহত্যাৰ দৰে চমৰ পথ বাচি লোৱা বুলি মন্তব্য ব্যক্তিগৰাকীৰ (Man committed suicide in Goalpara)  ৷

গোৱালপাৰা জিলাৰ বগুৱানৰ থানাৰ অন্তৰ্গত ঝুনকাইপাৰাৰ আজিজুল হক নামৰ লোকজনে বুধবাৰে দুপৰীয়া ভাগত আত্মহত্যা কৰা ঘটনাক লৈ সৃষ্টি হৈছে তীব্ৰ চাঞ্চল্যৰ ৷ আত্মহত্যা কৰা পূৰ্বে আজিজুলে এটা ভিডিঅ’ প্ৰস্তুত কৰি মুখ্যমন্ত্ৰীক সম্বোধন কৰি ক’লে আত্মহত্যা কৰিবলৈ লোৱাৰ কাৰণ (Man Records Video Before suicide) ৷  

ভিডিঅ’টোত উল্লেখ কৰা অনুসৰি দুগৰাকী ব্যক্তিয়ে আজিজুলৰ নগ্ন ভিডিঅ’ প্ৰস্তুত কৰি দীৰ্ঘদিনৰ পৰা কৰি আহিছিল ব্লেকমেইলিং ৷ ভিডিঅ’টো ভাইৰেল কৰি দিয়াৰ ভয় দেখুৱাই ইতিমধ্যেই দুই ব্যক্তিয়ে 25 লাখ টকা লোৱা বুলি উল্লেখ কৰিছে আজিজুলে ৷ যাৰ বাবে নিজৰ সকলো মাটি-বাৰী বিক্ৰী কৰি দিবলৈ বাধ্য হ’ল আজিজুল হক (Man committed suicide for blackmailing)  ৷  

গোলাম মৌলা আৰু জনৈক বেগন নামৰ এগৰাকী মহিলাৰ বিৰুদ্ধে ব্লেকমেইলিং কৰা বুলি অভিযোগ উত্থাপন কৰিছে আজিজুলে ৷ আনহাতে, নাম উল্লেখ কৰা দুই ব্যক্তিয়ে আজিজুলক তেওঁৰ পত্নীক হত্যা কৰিবলৈয়ো নিৰ্দেশ দিছিল বুলিও উল্লেখ কৰিছে আত্মহত্যাৰ পূৰ্বে প্ৰস্তুত কৰা ভিডিঅ’ বাৰ্তাটোত (Goalpara man suicide for extortion) ৷ 

কেৱল সিমানেই নহয়, ব্লেকমেইলিঙৰ বলি হৈ পত্নীক দুবাৰকৈ হত্যা কৰিবলৈ চেষ্টা কৰিছিল বুলিও আত্মহত্যাৰ পূৰ্বে বিস্ফোৰক মন্তব্য কৰে আজিজুলে ৷ আজিজুলৰ পত্নীয়ে নিয়োজিত হৈ থকা চাকৰিটো ল’বৰ বাবেও প্ৰচেষ্টা চলাই থকা বুলিও উল্লেখ কৰে ভিডিঅ’টোত (Azizul Haque was being blackmailed ) ৷

এই ঘটনাই এতিয়া অঞ্চলটোত সৃষ্টি কৰিছে তীব্ৰ প্ৰতিক্ৰিয়া ৷ আনহাতে, আৰক্ষীয়ে মৃতদেহ উদ্ধাৰ কৰি প্ৰেৰণ কৰে মৰণোত্তৰ পৰীক্ষাৰ বাবে ৷ আত্মহননৰ পূৰ্বে প্ৰস্তুত কৰা ভিডিঅ’ত অভিযোগ উত্থাপন কৰা দুই ব্যক্তিক আৰক্ষীয়ে জেৰা কৰাৰ লগতে সমগ্ৰ ঘটনাৰ তদন্ত কৰাৰ পাচতহে পোহৰলৈ আহিব প্ৰকৃত কাৰণ ৷ 

লগতে পঢ়ক: Guwahati Double Murder: বন্দনাই কৰা কু-কৰ্মৰ ফল ভোগিছে দুৰ্ভগীয়া পিতৃ-মাতৃেয়