Accident at Basistha Chariali : উৰণীয়া সেতু নিৰ্মাণকাৰ্যত নিয়োজিত ক্ৰেঙ দুৰ্ঘটনাগ্ৰস্ত, আহত যুৱতী

গুৱাহাটী, ১২ মে’ : মহানগৰীৰ বশিষ্ঠ চাৰিআলিত অঘটন (Accident at Basistha Chariali) । শুকুৰবাৰে পুৱা হঠাৎ বশিষ্ঠ চাৰিআলিত লাগি গ’ল হুলস্থূল ৷ কিয়নো নিৰ্মাণ কাৰ্যত ব্যৱহৃত ক্ৰেঙ গাড়ী দুৰ্ঘটনাগ্ৰস্থ হৈ বাগৰি পৰিল ঘাইপথত । উৰণীয়া সেতুৰ কামত নিয়োজিত হৈ আছিল ক্ৰেঙ গাড়ীখন । এই দুৰ্ঘটনাত কথমপি প্ৰাণৰক্ষা পৰে বহু লোকৰ । এই দুৰ্ঘটনাত এগৰাকী যুৱতী কিছু পৰিমাণে আঘাতপ্ৰাপ্ত হৈছে বুলি জানিব পৰা গৈছে (Girl injured in a Road accident at Basistha Chariali) ।

প্ৰত্যক্ষদৰ্শীয়ে জনোৱা অনুসৰি, ৰাষ্ট্ৰীয় ঘাইপথত ক্ৰেঙ গাড়ীখনেৰে অইন দিনাৰ দৰে আজিও উৰণীয়া সেতুৰ কাম কৰি আছিল । তেনে সময়তে হঠাৎ ৰাষ্ট্ৰীয় ঘাইপথত বাগৰি পৰে ক্ৰেঙ গাড়ীখন । ফলত এগৰাকী যুৱতী আঘাতপ্ৰাপ্ত হয় ৷ তাৰ পাচতে স্থানীয় লোকৰ তৎপৰতাত আঘাতপ্ৰাপ্ত যুৱতীগৰাকীক লৈ যোৱা হয় হেল্থচিটি হাস্পতাললৈ । এখন দুচকীয়া বাহনত যুৱতীগৰাকী আছিল বুলি জানিব পৰা গৈছে ।

ইফালে এই দুৰ্ঘটনাৰ ফলত দীৰ্ঘসময় ধৰি ৰাষ্ট্ৰীয় ঘাইপথত সৃষ্টি হয় বহু যান-জঁটৰ । প্ৰায় দুখনকৈ ক্ৰেঙৰ সহায়ত ৰাষ্ট্ৰীয় ঘাইপথৰ পৰা আঁতৰ কৰোৱা হয় দুৰ্ঘটনাগ্ৰস্ত ক্ৰেঙখন ।

লগতে পঢ়ক : Naga student union seized liquor: অসমৰ চুবুৰীয়া ৰাজ্য নাগালেণ্ডত নিষিদ্ধ বিদেশী সুৰাৰ বন্যা