Teacher accused beating student: তিনিচুকীয়াৰ সৰকচান্দ জৈন বিদ্যালয়ত ছাত্ৰীক গুৰুতৰভাৱে প্ৰহাৰৰ অভিযোগ

তিনিচুকীয়াৰ এখন ব্যক্তিগত খ‌ণ্ডৰ বিদ্যালয়ত এগৰাকী ছাত্ৰীক শিক্ষয়িত্ৰীয়ে গুৰুতৰভাৱে প্ৰহাৰ কৰাৰ অভিযোগ উত্থাপন হৈছে (Teacher accused beating student )। তিনিচুকীয়াৰ নপুখুৰীস্থিত সৰকচান্দ জৈন বিদ্যালয় নামৰ ব্যক্তিগত খণ্ডৰ বিদ্যালয়খনত এগৰাকী শিক্ষয়ত্ৰীয়ে ছাত্ৰীগৰাকীক গুৰুতৰ ভাৱে প্ৰহাৰ কৰাৰ অভিযোগ তুলিছে ছাত্ৰীগৰাকীৰ পিতৃয়ে (Teacher accused beating student in Tinsukia) ।

ছাত্ৰীগৰাকীৰ অভিভাৱক ৰাজু ৰায়ৰ অভিযোগ অনুসৰি বিদ্যালয়খনত (Sarkchand Jain School in Tinsukia) বিদ্যালয় সপ্তাহ (School Week) উপলক্ষে বিভিন্ন প্ৰতিযোগিতা চলি থকাৰ মাজতে অন্য এগৰাকী ছাত্ৰীৰ সৈতে কাজিয়াৰ সূত্ৰপাত হৈছিল ৷ ইয়াৰ পিছতে উক্ত স্থানত এগৰাকী শিক্ষয়ত্ৰী উপস্থিত হৈ ছাত্রী গৰাকীক গতিয়াই গতিয়াই চিৰিৰ পৰা পেলাই দিয়ে বুলি অভিযোগ উত্থাপন কৰে ৷  

ইয়াৰ পিছতে ছাত্ৰীগৰাকী গুৰুতৰভাৱে আহত হয় ৷ সম্প্ৰতি গুৰুতৰ অৱস্থাত ছাত্ৰীগৰাকীক তিনিচুকীয়াৰ স্বস্তিক নাৰ্চিং হোমত ভৰ্তি কৰা হৈছে ৷ আহত ছাত্ৰীগৰাকী চিকিৎসাধীন হৈ থকাৰ অভিযোগ উত্থাপন কৰে ছাত্ৰীগৰাকীৰ পিতৃয়ে ‌। ছাত্ৰীগৰাকীৰ পিতৃয়ে কোৱা অনুসৰি সপ্তম শ্ৰেণীত অধ্যয়ণৰত ছাত্ৰীগৰাকী । ইয়াৰোপৰি আহত ছাত্ৰীগৰাকীক চিকিৎসালয়ত ভৰ্তি কৰাৰ পিছতো বহু সময়লৈকে পিতৃ-মাতৃক খবৰ নিদিয়াৰো অভিযোগ উত্থাপন কৰে ছাত্ৰীগৰাকীৰ পৰিয়ালে ৷  

ইফালে ছাত্ৰীগৰাকীৰ পিতৃৰ অভিযোগক নস্যাৎ কৰিছে বিদ্যালয়খনৰ অধ্যক্ষগৰাকীয়ে ৷ লগতে অধ্যক্ষগৰাকীয়ে কয় যে ছাত্ৰীগৰাকীৰ অভিভাৱকে বিদ্যালয়ৰ বদনাম কৰাৰ চেষ্টা কৰিছে ৷ বিদ্যালয়ৰ বিৰুদ্ধে মাত মতা ব্যক্তিৰ বিৰুদ্ধে কঠোৰ ব্যৱস্থা গ্ৰহণ কৰা হ'ব বুলি সকিয়নি প্ৰদান কৰে বিদ্যালয়খনৰ অধ্যক্ষ‌ই ।

লগতে পঢ়ক: Jorhat Police Drugs seized: যোৰহাটত ড্ৰাগছসহ দুই সৰবৰাহকাৰী আটক