Ganja seized at Badarpur: ৰে’লৰ দবাৰ শৌচালয়ত ওলাল গাঞ্জা

ৰাজ্যত গাঞ্জা, ড্ৰাগছ বিৰোধী অভিযান অব্যাহত থকাৰ সময়তেই বদৰপুৰত গাঞ্জা সৰবৰাহকাৰীৰ নতুন কৌশল(Ganja seized at Badarpur)৷ ৰে’লৰ দবাৰ শৌচালয়ত গাঞ্জা লৈ আহিছিল সৰবৰাহকাৰীয়ে ৷ বদৰপুৰৰ ৰেল ষ্টেশ্যনত বুজন পৰিমাণৰ গাঞ্জাখিনি উদ্ধাৰ কৰে ৰে’ল আৰক্ষীয়ে (GRP mission against ganja)৷ এই অভিযানত আৰক্ষীয়ে প্ৰায় 10 কেজিৰো অধিক গাঞ্জা জব্দ কৰে ৷ আগৰতলাৰ পৰা শিলচৰলৈ আহি থকা যাত্ৰীবাহী ৰে’লখনৰ দবাৰ শৌচালয়ত আৰক্ষীয়ে নিয়মীয়া তালাচীৰ সময়ত প্ৰত্যক্ষ কৰে গাঞ্জাখিনি ৷ অৱশ্যে ৰে’ল আৰক্ষীয়ে সৰবৰাহকাৰীক আটক কৰিবলৈ সক্ষম নহ’ল ৷ জব্দকৃত গাঞ্জাখিনিৰ মূল্য লক্ষাধিক টকা হ'ব বুলি জনায় আৰক্ষীয়ে ৷