Nayanmoni Saikia achievement: আন্তঃৰাষ্ট্ৰীয় পৰ্যায়ত উজ্বলিল নয়নমনি শইকীয়াসহ অসমৰ চাৰি সন্তান

নিউজ ডেস্ক, 28 ফেব্ৰুৱাৰী : ৰাজ্যবাসীৰ বাবে এক সুখবৰ ৷ পুনৰ অসমবাসীৰ সন্মান ৰাখিলে অসমৰ চাৰিগৰাকীকৈ সন্তানে (Four of Assam Lan Ball players won medals at international level) । পুনৰবাৰ আন্তঃৰাষ্ট্ৰীয় পৰ্যায়ত উজ্বলি উঠিল অসমৰ চাৰি সন্তান । ডি এছ পি পদত অধিস্থিত হোৱাৰ পিচত প্ৰথমটো সন্মান আঁজুৰি আনিলে কমনৱেলথ গেমছত পদক বিজয়ী স্বৰ্ণকন্যা নয়নমণি শইকীয়াই (CWG 2022 Gold Medallist Nayanmoni Saikia) ।

মালেছিয়াত অনুষ্ঠিত হোৱা আন্তঃৰাষ্ট্ৰীয় পৰ্যায়ৰ লন বল খেলৰ এছিয়ান চেম্পিয়ন শ্বিপত নয়নমণি শইকীয়াসহ (CWG gold medallist Nayanmoni Saikia) চাৰিগৰাকীকৈ সন্তানে অসমৰ হৈ আঁজুৰি আনিলে সন্মান । লন বলৰ এই আন্তঃৰাষ্ট্ৰীয় খেলত আঠখনকৈ দেশে অংশগ্ৰহণ কৰিছিল ৷ 22 ৰ পৰা 26 ফেব্ৰুৱাৰীলৈ অনুষ্ঠিত হোৱা এই খেলত নয়নমণি শইকীয়াই সোণ আৰু ৰূপ, তানিয়া চৌধুৰীয়ে ৰূপ, পুতুল সোণোৱালে ৰূপ আৰু মৃদুল বুঢ়াগোঁহায়ে ব্ৰঞ্জৰ পদক আজুৰি আন্তঃৰাষ্ট্ৰীয় পৰ্যায়ত অসমৰ নাম উজলাবলৈ সক্ষম হয় ।

লগতে পঢ়ক : Cycle Rally in Sivasagar: শিৱসাগৰত হেৰিটেজ চাইক্লথন চাইকেল ৰেলী সম্পন্ন

এই খেলত অংশগ্ৰহণ কৰি আজি অসমত উপস্থিত হয় খেলুৱৈ দলটো ৷ এই খেলুৱৈ দলটোক গুৱাহাটীৰ লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰত সম্ভাষণ জনাবলৈ উপস্থিত হয় অসম লন বল সন্থা বহু লোক ৷ অসমবাসীৰ পৰা মৰম-আদৰ পাই একপ্ৰকাৰে আৱেগিক হৈ পৰে এছিয়ান চেম্পিয়নশ্বিপত পদক বিজয়ী খেলুৱৈসকল ৷

আটাইকেইজন খেলুৱৈলৈ সোহাগভৰা অভিনন্দন জনাইছে ৰাজ্যবাসীয়ে । অনাগতো দিনতো আটাইকেইজনৰ অব্যাহত থাকক এই সফলতাৰ ধাৰা, সকলোৱে যেন তাকেই কামনা কৰিছে  ।

লগতে পঢ়ক : Angoorlata Deka in Golaghat: স্বৰ্ণকন্যা নয়নমণি শইকীয়াৰ ঘৰলৈ হঠাৎ কিয় গ’ল আঙুৰলতা ডেকা ?