Fire in Bus: বাছ আস্থানতে দাউদাউকৈ জ্বলি উঠিল ট্ৰেভেলাৰ

গোৱালপাৰাৰ ধুবুৰী বাছ আস্থানত হঠাৎ দাউদাউকৈ জ্বলি উঠিল এখন যাত্ৰীবাহী ট্ৰেভেলাৰ গাড়ী (fire in bus in Goalpara) । বাছ আস্থানত পৰিবহণ বিভাগৰ পথ সুৰক্ষাৰ (National road safety week) কাৰ্যসূচী চলি থকাৰ সময়তে সংঘটিত হয় এই ঘটনা । লগে লগে বন্ধ হৈ পৰে কাৰ্যসূচী ।

ঘটনাটোৰ ফলত ৰাইজৰ মাজত সৃষ্টি হয় আতংকৰ । গোৱালপাৰাৰ পৰা লক্ষীপুৰলৈ যোৱা এএছ ০১ জিচি ০০৫৬ নম্বৰৰ ট্ৰেভেলাৰ গাড়ীখন বাছ আস্থানত থৈ চালকে চাহ খাবলৈ গৈছিল (fire in bus at bus stoppage in Goalpara) । তেনে সময়তে দাউদাউকৈ জ্বলি উঠে বাছখন । ফলত নিমিষতে জ্বলি ছাই হয় গাড়ীখন ।

অগ্নিনিৰ্বাপক বাহিনী ঘটনাস্থলীত উপস্থিত হয় যদিও সম্পূৰ্ণৰূপে ভস্মীভূত হয় গাড়ীখন। শ্বৰ্ট চাৰ্কিটৰ ফলতে অগ্নিকাণ্ড সংঘটিত হোৱাৰ সন্দেহ ৰাইজৰ ।