Cylinder blast in Merapani: মেৰাপানীৰ মক্ৰং তিনিআলিত ভয়ংকৰ অগ্নিকাণ্ড

মেৰাপানীৰ মক্ৰং তিনিআলিত ভয়ংকৰ অগ্নিকাণ্ড । সম্পূৰ্ণৰূপে জুইত জাহ গ'ল এটা বাসগৃহ । মেৰাপানীৰ মক্ৰং ১ নং চিংফুৰা গাঁৱত আজি পুৱতি নিশা মুনীন সোণোৱাল নামৰ ব্যক্তিজনৰ বাসগৃহত জুইৰ সুত্ৰপাত হয় । বৈদ্যুতিক শ্বৰ্ট চাৰ্কিটৰ ফলত সংঘটিত এই অগ্নিকাণ্ডত ব্যক্তিজনৰ ঘৰত মজুত থকা গেছ চিলিণ্ডাৰ বিস্ফোৰণ হৈ জুইৰ লেলিহান শিখাই আগুৰি ধৰে বাসগৃহটো(Cylinder blast in Merapani) । কোনোমতে প্ৰাণৰক্ষা পৰে পৰিয়ালটোৰ । অগ্নিনিৰ্বাপক বাহিনীৰ গাড়ী অহাৰ পাছতহে নিৰ্বাপিত হয় জুই(Fire and emergency services) । জুইত প্ৰায় কেইবালাখ টকাৰ সা-সম্পতি ভষ্মীভূত হোৱা বুলি জানিব পৰা হৈছে । মুনীন সোণোৱালৰ পত্নী তথা অংগনৱাড়ী কৰ্মীগৰাকীৰ বহু চৰকাৰী নথি-পত্ৰৰ লগতে সমবায় সুলভ মূল‍্য দোকানৰ ইপ'চ মেশ্বিনসহ বহু নথি-পত্ৰ অগ্নিত ভষ্মীভূত হয় বুলি জানিবলৈ পৰা গৈছে ৷