Titabor Fire incident : তিতাবৰত বিধ্বংসী অগ্নিকাণ্ডত জাহ গ’ল 5 খন দোকান; লক্ষাধিক টকাৰ ক্ষতি

তিতাবৰ, 5 আগষ্ট : তিতাবৰত অঘটন ৷ শুকুৰবাৰে নিশা তিতাবৰ নগৰৰ মাজমজিয়াতে তিতাবৰ ষ্টেচন তিনি আলিত সংঘটিত হয় এক বিধ্বংসী অগ্নিকাণ্ডৰ ঘটনা । নিমিষতে জুই লেলিহান শিখাই সমগ্ৰ অঞ্চলটো চানি ধৰে ৷ ফলত বহু লক্ষাধিক টকাৰ সামগ্ৰী জুইত জাহ যোৱাৰ লগতে সম্পূৰ্ণৰূপে জ্বলি শেষ হৈ যায় 5 খনকৈ দোকান ৷

ইফালে ঘটনা সন্দৰ্ভত তিতাবৰ আৰক্ষীক খবৰ দিয়াৰ পাচতো বিভিন্ন অজুহাত দি বহু পলমকৈ ঘটনাস্থলীত উপস্থিত হোৱাৰ অভিযোগ উত্থাপন কৰিছে স্থানীয় ৰাইজে ৷ ঘটনাস্থলীত তিতাবৰ, বৰহোলা, মৰিয়নী পৰা অগ্নিনিৰ্বাপক বাহিনীৰ গাড়ী আহিছিল যদিও বহু সময়ৰ অন্ততহে এই জুই নিৰ্বাপন কৰিবলৈ সক্ষম হয় ৷

অগ্নিকাণ্ডৰ পাচত ঘটনাস্থলীত তিতাবৰ মহকুমা আৰক্ষী বিষয়া উপস্থিত হৈ ঘটনাৰ বুজ লয় । কিন্তু ক’ৰ এই অগ্নিকাণ্ডৰ সূত্ৰপাত হ’ল সেই সন্দৰ্ভত বৰ্তমানো লাভ কৰা নাই কোনো তথ্য ৷

লগতে পঢ়ক : Massive Fire Breaks Out In Oil Rig: গেলেকীৰ হাতীপটিৰ তৈলখাদত বিধ্বংসী অগ্নিকাণ্ড