ৰঙাপৰাত ভয়াবহ অগ্নিকাণ্ড: চকুৰ পচাৰতে 4 টা গুডাম ভষ্মীভূত

শোণিতপুৰৰ ৰঙাপৰাত ভয়াবহ অগ্নিকাণ্ড (Fire break out at Rangapara) ৷ জুইত জাহ গ’ল চাৰিটাকৈ গুডাম (4 warehouses burnt down)৷ ৰঙাপৰাৰ ১০ নং ৱাৰ্ডৰ গান্ধী মৈদান খেল পথাৰৰ সমীপত নিশা প্ৰায় 1 বজাত ভয়ংকৰ অগ্নিকাণ্ড সংঘটিত হয় ৷ এই অগ্নিকাণ্ডত ইমাদ আনচাৰী, ৰহমত আনচাৰী, দেলহি জয়চোৱাল আৰু বিনোদ ৰায়ৰ চাৰিটাকৈ কাপোৰৰ গুদাম জুইত জাহ যায় ৷ ভষ্মীভূত পোছাকখিনিৰ মূল্য প্ৰায় 1 কোটি টকা ৷ ঈদৰ বাবে নতুন কালেকশ্যন গুডামকেইটাত ৰখা হৈছিল ৷ গুডামকেইটা জ্বলি যোৱাত কান্দোনত ভাগি পৰে গুডামৰ ব্যৱসায়ী ৷ অগ্নিকাণ্ডৰ খবৰ পোৱাৰ পাছতেই ৰঙাপৰাত থকা অগ্নি নিৰ্বাপক বাহিনীৰ গাড়ী আহি জুই নুমাবলৈ সক্ষম হয় ৷ অগ্নিকাণ্ডটি কেনেকৈ সংঘটিত হল তাৰ প্ৰকৃত কাৰণ জানিব পৰা নাই ৷ উল্লেখ্য যে গুদামটো জ্বলি যোৱাত ৰঙাপৰা চহৰখনৰ পদপথত কাপোৰৰ দোকান দি ব্যৱসায় কৰি অহা ক্ষুদ্ৰ ব্যৱসায়ীসকলৰ বাবে ঘোৰ অমানিশা নামি আহিছে ৷