Reaction on Badruddin comment: আজমলৰ বিৰুদ্ধে গড়মূৰ থানাত গোচৰ

AIUDF ৰ সভাপতি বদৰুদ্দিন আজমলে অসমৰ মুখ্যমন্ত্ৰী হিমন্ত বিশ্ব শৰ্মাকে প্ৰমুখ্য কৰি হিন্দু সমাজখন সন্দৰ্ভত আগবঢ়াইছিল অশালীন মন্তব্য (Majuli bjp reaction on Badaruddin comment)৷ ইয়াকে লৈ সমগ্ৰ ৰাজ্যতে তীব্ৰ প্ৰতিক্ৰিয়াৰ সৃষ্টি হোৱা দেখিবলৈ পোৱা গৈছে । বদৰুদ্দিন আজমলৰ বিৰুদ্ধে জাঙুৰ খাই উঠিছে বিভিন্ন দল-সংগঠনে । বদৰুদ্দিন আজমলৰ মন্তব্যৰ বিৰোধিতা কৰি আজি গড়মূৰ সদৰ থানাত গোচৰ ৰুজু কৰে মাজুলী জিলা বিজেপিয়ে । মাজুলী জিলা বিজেপিৰ সভাপতিগৰাকীয়ে কয় যে বদৰুদ্দিন আজমলে অসমীয়া সমাজখনৰ তথা অসমৰ সাতামপুৰুষীয়া সম্প্ৰীতি সাম্প্ৰদায়িক মন্তব্যৰে বিনষ্ট কৰিব বিচাৰিছে বুলি । গতিকে বদৰুদ্দিন আজমলক শীঘ্ৰে গ্ৰেপ্তাৰ কৰি দৃষ্টান্তমুলক শাস্তি প্ৰদানৰ দাবী জনায় মাজুলী জিলা বিজেপিয়ে ।