Farewell greetings in BJP office: বিজেপিৰ ৰাজ্যিক কাৰ্যালয়ত আৱেগিক পৰিৱেশ

গুৱাহাটী, ৩১ জুলাই:ভাৰতীয় জনতা পাৰ্টীৰ ৰাজ্যিক কাৰ্যালয়ত আজি এক আৱেগিক পৰিৱেশৰ সৃষ্টি হয় । হাৰিয়ানালৈ বুলি ৰাওনা হোৱা সাংগঠনিক সাধাৰণ সম্পাদক ফণীন্দ্ৰ নাথ শৰ্মাই ৰাজ্যিক কাৰ্যালয়ত উপস্থিত হোৱাৰ পিচত তেওঁক বিদায় সম্ভাষণ জনাবলৈ সকলোৱে এই পৰিৱেশৰ সৃষ্টি কৰিলে ।  

২০০৩ চনৰ পৰা ২০ বছৰ ধৰি অসম বিজেপিৰ সৈতে একাত্ম হৈ আছিল ফণীন্দ্ৰ নাথ শৰ্মা । হাৰিয়ানালৈ যোৱাৰ পূৰ্বে তেওঁক আনুষ্ঠানিকভাৱে বিদায় জনালে বিজেপি কাৰ্যকৰ্তাই । বিদায় পৰত থোকা-থোকি হ'ল ফণীন্দ্ৰ শৰ্মাৰ মাত । মুন স্বৰ্ণকাৰে ৰাখি বন্ধনেৰে তেওঁক বিদায় দিলে । 

তেওঁ বিজেপি ৰাজ্যিক কাৰ্যালয়ৰ পৰা পোনে পোনে ৰাওনা হয় বিমানকোঠলৈ। উল্লেখ্য যে অসম প্ৰদেশ বিজেপিৰ মুখ্য সাংগঠনিক সাধাৰণ সম্পাদক পদত থকা ফণীন্দ্ৰ নাথ শৰ্মাক দুদিন পূৰ্বে হাৰিয়ানা বিজেপিৰ সাংগঠনিক সাধাৰণ সম্পাদক পদৰ দায়িত্ব দিয়া হৈছিল‌ ।

লগতে পঢ়ক:Bhabesh Kalita: নৱ নিযুক্ত অসম বিজেপিৰ ৰাষ্ট্ৰীয় সম্পাদক কামাখ্যা প্ৰসাদ তাছাক শুভেচ্ছা ভৱেশ কলিতাৰ