Dumpers terror on roads : ডাম্পাৰৰ খুন্দাত মৰিয়নীত গুৰুতৰভাৱে আহত বাইক আৰোহী

যোৰহাট, 13 অক্টোবৰ: মৰিয়নীত শ শ বালি কঢ়িওৱা ডাম্পাৰৰ দৌৰাত্ম্যই আশংকা কঢ়িয়াইছে জনসাধাৰণৰ জীৱনলৈ ৷ ডাম্পাৰৰ খুন্দাত গুৰুতৰভাৱে আহত এগৰাকী হৈছে বাইক আৰোহী ৷ বৃহস্পতিবাৰে পুৱাৰ ভাগতে এখন দ্ৰুতবেগী বালি ভৰ্ত্তি ডাম্পাৰে মহতিয়াই বাদল বাছফৰ নামৰ বাইক আৰোহীজনক । ডাম্পাৰ খনৰ পঞ্জীয়নকৃত নম্বৰ AS-03-CC-3768 ।

উল্লেখ্য যে, পুৱাৰ ভাগৰ পৰা মৰিয়নী নগৰৰ মাজেৰে শ শ বালি কঢ়িওৱা ডাম্পাৰৰ অতপালিত অতিষ্ঠ হৈ পৰিছে মৰিয়নীবাসী ৷ তদুপৰি, ডাম্পাৰৰ গৰাকীয়ে কোনো চৰকাৰী নাতি-নিয়ম নামানে বুলিও স্থানীয় লোকে জনায় ।

মৰিয়নীবাসীয়ে বাৰম্বাৰ প্ৰশাসনক এই বালি কঢ়িওৱা ডাম্পাৰক নিয়ন্ত্ৰণ কৰাৰ বাবে অনুৰোধ জনাই অহাৰ পাচতো প্ৰশাসনে আজি পৰ্যন্ত চকু মুদা কুলিৰ ভাও জুৰি আহিছে বুলি গুৰুতৰ অভিযোগ তোলে স্থানীয় ভুক্তভোগী ৰাইজে । ইতিমধ্যে আহত বাইক আৰোহীগৰাকীক সংকটজনক অৱস্থাত যোৰহাট মেডিকেল কলেজলৈ প্ৰেৰণ কৰা হয় । 

লগতে পঢ়ক : Lok Sabha Elections 2024: ‘য’তেই খালী মাটি চকুত পৰিছে সেইখিনিকেই দখল কৰি লৈছে মুখ্যমন্ত্ৰীয়ে’- অপূৰ্ব কুমাৰ ভট্টাচাৰ্য