Drugs seized in Karimganj: অসম মিজোৰাম সীমান্তত জব্দ বৃহৎ পৰিমাণৰ ড্ৰাগছ

কৰিমগঞ্জৰ অসম মিজোৰাম সীমান্তত পুনৰ জব্দ বুজন পৰিমাণৰ নিচাজাতীয় সামগ্ৰী । বুধবাৰে কৰিমগঞ্জৰ বাজাৰিছড়া থানাৰ অন্তৰ্গত ৰাংগামাটি চেক পষ্টত আৰক্ষীৰ নিয়মীয়া তালাচীত এখন যাত্ৰীবাহী বাহনৰ পৰা উদ্ধাৰ হয় 99 টা চাবোনৰ বাকচত ভৰাই অনা এক কেজি এশ গ্ৰাম ড্ৰাগছ ৷ জব্দকৃত ড্ৰাগছখিনিৰ বজাৰ মূল্য প্ৰায় 8 কোটি টকা হ’ব বুলি আৰক্ষীয়ে জানিবলৈ দিয়ে ৷ জানিব পৰা মতে ম্যানমাৰৰ পৰা মিজোৰাম আৰু অসম হৈ ত্ৰিপুৰালৈ ড্ৰাগছখিনি লৈ যোৱাৰ পৰিকল্পনা কৰিছিল সৰবৰাহকাৰীয়ে ৷ ইতিমধ্যেই বাহনখনৰ চালকক আটক কৰি অধিক তথ্যৰ বাবে আৰক্ষীয়ে জেৰা অব্যাহত ৰাখিছে ৷