Tense Situation at Rupohihat: ড্ৰাগছ মাফিয়াৰ আক্ৰমণত আহত মজিবুৰ ৰহমান খান; থানা ঘেৰাও সহস্ৰাধিক লোকৰ

চামগুৰি, 25 ছেপ্টেম্বৰ: ড্ৰাগছ মাফিয়াৰ আক্ৰমণত আহত হৈছে গুনাবাড়িৰ ড্ৰাগছ বিৰোধী কমিটীৰ সম্পাদক মজিবুৰ ৰহমান খান ৷ তাৰ পাচতেই ড্ৰাগছ মাফিয়াৰ বিৰুদ্ধে ওলাই আহিল সহস্ৰাধিক লোক ৷ ড্ৰাগছ মাফিয়াক কৰায়ত্ত কৰাৰ দাবীত দেওবাৰে নিশাই ৰূপহীহাট আৰক্ষী থানা ঘেৰাও কৰে সহস্ৰাধিক লোকে সাব্যস্ত কৰে প্ৰতিবাদ ৷

জানিব পৰা মতে, গুনাবাড়িত কিছুদিন পূৰ্বে ড্ৰাগছ বিৰোধী সভা অনুষ্ঠিত কৰি গঠন কৰিছিল ড্ৰাগছ বিৰোধী কমিটী ৷ তেতিয়াৰে পৰা গুনাবাড়িত বন্ধ হৈ পৰিছিল ড্ৰাগছ কিনা-বেচা । যাৰ ফলত ভিতৰি ভিতৰি ক্ষুব্ধ হৈ পৰিছিল ড্ৰাগছৰ বেহাৰ লগত জড়িত লোকসকল ৷

কেৱল এটা মাত্ৰ সুযোগৰ সন্ধানত আছিল ড্ৰাগছৰ বেহাৰ লগত জড়িত লোকসকল ৷ দেওবাৰে যেন তাৰেই প্ৰতিফলন ঘটিল ৷ দেওবাৰে 10-15 জনীয়া এটি ড্ৰাগছ মাফিয়াৰ দলে দলবদ্ধভাৱে আক্ৰমণ কৰে ড্ৰাগছ বিৰোধী কমিটীৰ সম্পাদক মজিবুৰ ৰহমান খান আৰু তেওঁৰ পত্নী মৰ্জিনা বেগমক । এই ঘটনাক কেন্দ্ৰ কৰি উত্তেজিত পৰে জনতা ৷

ৰূপহীহাট আৰক্ষী থানা ঘেৰাও কৰাৰ পাচতেই ৰূপহীহাট আৰক্ষীয়ে ন্যায় প্ৰদানৰ আশ্বাস দিয়ে প্ৰতিবাদকাৰীসকলক ৷ এই ঘটনাক কেন্দ্ৰ কৰি চেপা উত্তেজনা অব্যাহত সমগ্ৰ ৰূপাহীহাটত ।

লগতে পঢ়ক : Drugs seized at Barpathar: তিনিচুকীয়া অভিমুখী নৈশ বাছৰ পৰা জব্দ লাখ টকাৰ হেৰʼইন, আটক মহিলা সৰবৰাহকাৰী