Shree Shree Billbeshwar Devalay: তৃতীয়বাৰৰ বাবে বিল্বেশ্বৰ দেৱালয়ৰ দলৈ নিৰ্বাচিত ৰঞ্জিত মিশ্ৰ

নলবাৰী,১১ ছেপ্টেম্বৰ: শাৰদীয় দুৰ্গোৎসৱলৈ মাজতে মাথো আৰু কিছুদিন বাকী । দুৰ্গা পূজাৰ প্ৰাকক্ষণত প্ৰতিবছৰে দলৈ নিৰ্বাচন প্ৰক্ৰিয়া আৰম্ভ হয় নলবাৰীৰ ঐতিহাসিক বিল্বেশ্বৰ দেৱালয়ৰ । বেলশৰৰ শ্ৰী শ্ৰী বিল্বেশ্বৰ দেৱালয়ৰ দলৈ নিৰ্বাচন দেওবাৰে নিশা সম্পন্ন হয় । তৃতীয়বাৰৰ বাবে ৰঞ্জিত মিশ্ৰ দলৈ নিৰ্বাচিত হয় । মা কামাখ্যাৰ পিছতে দ্বিতীয়খন শক্তিপীঠ হিচাপে পৰিচিত নলবাৰীৰ বেলশৰৰ বিল্বেশ্বৰ দেৱালয়ৰ দেওবাৰে গণতান্ত্ৰিক প্ৰক্ৰিয়াৰে দলৈ নিৰ্বাচন কৰা হয় ।  

এই নিৰ্বাচনত একেৰাহে তৃতীয়বাৰৰ বাবে শক্তিপীঠ খনৰ পুনৰবাৰ ৰঞ্জিত মিশ্ৰ দলৈ ৰূপে নিৰ্বাচিত হয় । নিৰ্বাচনত ৰঞ্জিত মিশ্ৰই সুবোধ মিশ্ৰক পৰাজিত কৰে । ৰঞ্জিত মিশ্ৰই ১২৪ টা ভোট লাভ কৰাৰ বিপৰীতে সুবোধ মিশ্ৰই ৮৭ টা লাভ কৰে । নিৰ্বাচনত পুনৰ দলৈ ৰূপে জয়ী হৈ শক্তিপীঠ বেলশৰ বিল্বেশ্বৰ দেৱালয়খন উন্নতিৰ শিখৰলৈ নিবলৈ সৰ্বস্তৰৰ ৰাইজৰ সহায় সহযোগিতা কামনা কৰিছে নৱ-নিৰ্বচিত দলৈ ৰঞ্জিত মিশ্ৰই ।

লগতে পঢ়ক: Dibrugarh road accident: একেখন ইন’ভাতে দুই পৰিয়ালে হাঁহি ফূৰ্তিৰে আহিছিল অন্নপ্ৰাসন খাই; আদ বাটতে দুৰ্ঘটনা !