Operation against Drugs:ডবকা আৰক্ষীৰ জালত এটা ড্ৰাগছ সৰবৰাহকাৰী

হোজাই, 30 অক্টোবৰ : হোজাই জিলাৰ ডবকা আৰক্ষীৰ সফল অভিযান । অভিযান চলাই আটক কৰিলে এটা ড্ৰাগছ সৰবৰাহকাৰীক ৷ ড্ৰাগছৰ বিৰুদ্ধে আৰক্ষীয়ে নিৰৱচ্ছিন্নভাৱে অভিযান চলাই যোৱাৰ পাচতো কিন্তু সৰবৰাহকাৰীয়ে উলিয়াই লৈছে নতুন নতুন কৌশল ৷ শেহতীয়াকৈ ডবকা আৰক্ষীয়ে আটক কৰিবলৈ সক্ষম হৈছে এটা ড্ৰাগছ সৰবৰাহকাৰী ৷

হোজাই জিলাৰ ডবকা আৰক্ষীয়ে অভিযান চলাই আটক কৰে এজন ড্ৰাগছ সৰবৰাহকাৰী । ড্ৰাগছ সৰবৰাহকাৰীটোৰ পৰা উদ্ধাৰ কৰে চাৰিটা কণ্টেইনাৰ আৰু জব্দ কৰে এটা মোবাইল ফোন । আৰক্ষীয়ে আটক কৰা ড্ৰাগছ সৰবৰাহকাৰীটোৰ নাম আলী হুছেইন বুলি জানিব পৰা গৈছে । দেওবাৰে নিশা ডবকা নগৰৰ ১০ নং ৱাৰ্ডত আৰক্ষীয়ে চলাইছিল এই অভিযান । ডবকা থানাৰ ভাৰপ্ৰাপ্ত বিষয়া কৈলাশ মালাকাৰৰ নেতৃত্বত চলাইছিল এই অভিযান । বৰ্তমানে ড্ৰাগছ সৰবৰাহকাৰীটোক আটক কৰি সোধ-পোচ অব্যাহত ৰাখিছে আৰক্ষীয়ে ।

লগতে পঢ়ক : Operation against Drugs: লেংটিছিঙাত আটক ড্ৰাগছ সৰবৰাহকাৰী