Deforestation at Chirang : চিৰাঙত সামাজিক বনানীকৰণৰ বন ধ্বংসক লৈ তীব্ৰ প্ৰতিক্ৰিয়া

চিৰাঙত ব্যাপক হাৰত চলিছে বন ধ্বংসযজ্ঞ (Deforestation at Chirang) । চিৰাং জিলাৰ বিজনীৰ উলুবাৰী অঞ্চলত থকা সামাজিক বনানীকৰণৰ বহু মূল্যবান গছ কটাক কেন্দ্ৰ কৰি অঞ্চলটোত তীব্ৰ প্ৰতিক্ৰিয়াৰ সৃষ্টি হৈছে । উলুবাৰী আঞ্চলিক আক্ৰাছুৰ অভিযোগ অনুসৰি, একাংশ দুষ্কৃতিকাৰীয়ে অবৈধভাৱে উলুবাৰী উচ্চতৰ মাধ্যমিক বিদ্যালয়ৰ কাষত থকা সামাজিক বনানীকৰণৰ চেগুন, গমাৰি আদি বহু মূল্যবান গছ কাটি ধ্বংস কৰিছে । এই গছ কটাৰ তথ্য লাভ কৰি বিজনী বন ডিপোট কাৰ্যালয়ৰ পৰা এটি দল উলুবাৰীত উপস্থিত হয় ৷ বন বিভাগৰ এই দলটোৱে দুষ্কৃতিকাৰীয়ে কাটি পেলোৱা বহু মূল্যবান গছৰ কুণ্ডা জব্দ কৰিবলৈ সক্ষম হয় ৷